ചെറുതാഴം രാമപുരത്ത് ചരക്ക് ലോറിയിൽ 10,000 ലിറ്റർ സ്പിരിറ്റ് പിടികൂടി; ഡ്രൈവർ പിടിയിൽ

കണ്ണൂർ: (KVARTHA) പിലാത്തറ - പാപ്പിനിശ്ശേരി കെ എസ് ടി പി റോഡരികിൽ നിർത്തിയിട്ട ചരക്ക് ലോറിയിൽ നിന്നും എക്സൈസ് നടത്തിയ റെയ്ഡിൽ വൻ സ്പിരിറ്റ് ശേഖരം പിടികൂടി.

ചെറുതാഴം രാമപുരത്താണ് ശനിയാഴ്ച, (നവംബർ 22) രാത്രിയിൽ സ്പിരിറ്റ് വേട്ട നടന്നത്. കാസർകോട് എക്സൈസ് കമ്മീഷണർക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ നടത്തിയ റെയ്ഡിലാണ് കർണാടകയിൽ നിന്നും കന്നാസുകളിലായി രാത്രിയിൽ കടത്തുകയായിരുന്ന സ്പിരിറ്റ് പിടികൂടിയത്.

പിലാത്തറ - പാപ്പിനിശ്ശേരി കെ എസ് ടി പി റോഡിൽ നിർത്തിയിട്ടിരുന്ന മഹാരാഷ്ട്ര രജിസ്ട്രേഷൻ ലോറിയിൽ നിന്നാണ് സ്പിരിറ്റ് ശേഖരം പിടിച്ചെടുത്തത്. രാമപുരം ചെറുതാഴം കൊത്തികുഴിച്ച പാറയിൽ വെച്ചാണ് കണ്ണൂർ എക്സൈസ് സംഘം നടത്തിയ സംയുക്ത റെയ്ഡിൽ ചരക്ക് ലോറി കസ്റ്റഡിയിലെടുത്തത്. ഉമി ചാക്കുകൾക്ക് അടിയിൽ പ്ലാസ്റ്റിക് കന്നാസുകളിൽ ഒളിപ്പിച്ച നിലയിലായിരുന്നു സ്പിരിറ്റ് സൂക്ഷിച്ചിരുന്നത്.

ഏകദേശം 10,000 ലിറ്റർ സ്പിരിറ്റാണ് ശനിയാഴ്ച രാത്രി പത്തുമണിയോടെ നടത്തിയ റെയ്ഡിൽ പിടികൂടിയത്. ലോറി ഡ്രൈവർ, ശിവാനന്ദ (30) നെ എക്സൈസ് കസ്റ്റഡിയിലെടുത്തു. ഇയാളെ ചോദ്യം ചെയ്തു വരികയാണെന്ന് എക്സൈസ് അറിയിച്ചു. സ്പിരിറ്റ് കടത്തിന് പിന്നിൽ അന്തർസംസ്ഥാന റാക്കറ്റുകളുണ്ടെന്നാണ് എക്സൈസിന് ലഭിച്ച സൂചന.

കണ്ണൂർ ചെറുതാഴത്ത് നടന്ന വൻ സ്പിരിറ്റ് വേട്ടയെക്കുറിച്ചുള്ള ഈ വാർത്ത ഷെയർ ചെയ്യൂ. നിങ്ങളുടെ അഭിപ്രായം കമൻ്റ് ചെയ്യുക. 

Article Summary: Excise seizes 10,000 litres of spirit from a lorry in Kannur, driver arrested.

#SpiritSeized #Kannur #ExciseRaid #CrimeNews #KeralaNews #AntiDrugCampaign