Achievement | മനു ഭാക്കർ: ഇന്ത്യൻ ഷൂട്ടിംഗിന്റെ പുതിയ നക്ഷത്രം

പാരീസ്:(KVARTHA) ഇരട്ട ഒളിമ്പിക് മെഡലുമായി ഇന്ത്യൻ കായികരംഗത്തെ ഞെട്ടിച്ചുകൊണ്ട് പുതിയൊരു ചരിത്രം രചിച്ചിരിക്കുകയാണ് മനു ഭാക്കർ. ടോക്കിയോ ഒളിമ്പിക്സിൽ 10 മീറ്റർ എയർ പിസ്റ്റളിലും മിക്സഡ് ടീം ഇനത്തിലും വെങ്കലം നേടിയ മനു, ഇന്ത്യൻ ഷൂട്ടിങ്ങിന്റെ ചരിത്രത്തിൽ ഒരു പുതിയ അധ്യായം തുറന്നിരിക്കുകയാണ്.

ഒളിമ്പിക്സിൽ ഇന്ത്യയ്ക്ക് ഇരട്ട മെഡൽ നേടിക്കൊടുത്ത ആദ്യ താരമായി മാറിയ മനു, രാജ്യത്തെ ഷൂട്ടിംഗ് ചരിത്രത്തിൽ നിരവധി റെക്കോർഡുകൾ തകർത്തു. 12 വർഷത്തെ മെഡൽ വരൾച്ചയ്ക്ക് ശേഷം ഷൂട്ടിംഗിൽ ഇന്ത്യയ്ക്ക് ആദ്യ മെഡൽ നേടിക്കൊടുത്തതും മനുവാണ്. അതോടൊപ്പം, ഒളിമ്പിക് ഷൂട്ടിങ്ങിൽ മെഡൽ നേടുന്ന ആദ്യ ഇന്ത്യൻ വനിതയെന്ന നേട്ടവും മനു സ്വന്തമാക്കി.

ഹരിയാണയിലെ ജജ്ജാർ സ്വദേശിയായ 22-കാരിയായ മനു, 2018 കോമൺവെൽത്ത് ഗെയിംസിലും ഷൂട്ടിങ് ലോകകപ്പിലും സ്വർണം നേടിയ താരമാണ്. 2018-ൽ നടന്ന അന്താരാഷ്ട്ര ഷൂട്ടിങ് സ്പോർട്ട് ഫെഡറേഷന്റെ ഷൂട്ടിങ് ലോകകപ്പിൽ സ്വർണം നേടിയതോടെ ഏറ്റവും കുറഞ്ഞ പ്രായത്തിൽ 

സുവർണനേട്ടം സ്വന്തമാക്കുന്ന താരമെന്ന റെക്കോർഡും മനു സ്വന്തമാക്കി. 2020-ൽ കായിരംഗത്തെ തിളക്കത്തിന് അർജുന അവാർഡും തേടിയെത്തി.
ബ്രിട്ടീഷ് ഇന്ത്യയുടെ ഭാഗമായിരുന്നപ്പോൾ 1900-ലെ ഒളിമ്പിക്സിൽ മത്സരിച്ച നോർമൻ പ്രിച്ചാർഡ് ഇരട്ട വെള്ളി നേടിയിരുന്നുവെങ്കിലും അദ്ദേഹം ബ്രിട്ടീഷ് പൗരനായിരുന്നു. സ്വതന്ത്ര ഇന്ത്യയുടെ ചരിത്രത്തിൽ ഒരു ഒളിമ്പിക്സിൽ ഇരട്ട മെഡൽ നേടുന്ന ആദ്യ താരമെന്ന നേട്ടം മനു ഭാക്കർ സ്വന്തമാക്കിയതോടെ ഇന്ത്യൻ കായികചരിത്രത്തിൽ ഒരു പുതിയ അധ്യായം തുറന്നിരിക്കുകയാണ്.