തൃശ്ശൂർ: (kVARTHA) കോടാലി സർക്കാർ യു.പി. സ്കൂളിലെ ഹാളിന്റെ സീലിങ് തകർന്നു വീണു. സ്കൂളിന് അവധിയായിരുന്നതിനാൽ വലിയ ദുരന്തമാണ് ഒഴിവായത്. കുട്ടികൾ അസംബ്ലി കൂടുന്ന ഓഡിറ്റോറിയത്തിന്റെ സീലിങ് ആണ് തകർന്നു വീണത്. പുലർച്ചെയാണ് സംഭവം നടന്നത്. ഷീറ്റിനടിയിൽ സ്ഥാപിച്ചിരുന്ന ജിപ്സം ബോർഡുകളാണ് നിലംപതിച്ചത്. 54 ലക്ഷം രൂപ ചെലവിൽ 2023-ലാണ് ഈ സീലിങ് നിർമിച്ചത്.

പത്ത് വർഷം മുൻപ് സ്കൂളിന്റെ നിർമാണ പ്രവർത്തനങ്ങൾ നടക്കുന്ന സമയത്ത് തന്നെ കെട്ടിടം അശാസ്ത്രീയമായാണ് നിർമിക്കുന്നതെന്നാരോപിച്ച് നാട്ടുകാർ പരാതി നൽകിയിരുന്നതായി പറയുന്നു. രണ്ട് മാസങ്ങൾക്ക് മുൻപ് മഴ പെയ്ത് സീലിങ് കുതിർന്നപ്പോഴും അധികൃതരെ അറിയിച്ചിരുന്നു. എന്നാൽ, ഇത് മാറ്റി സ്ഥാപിക്കുന്നതുമായി ബന്ധപ്പെട്ട് യാതൊരു നടപടിയും സ്കൂൾ അധികാരികളുടെ ഭാഗത്തുനിന്ന് ഉണ്ടായില്ലെന്ന് നാട്ടുകാർ ആരോപിക്കുന്നു. വാർഡ് മെമ്പറും പഞ്ചായത്ത് അധികാരികളും സംഭവസ്ഥലത്തെത്തി പരിശോധന നടത്തി.
 

സ്കൂൾ കെട്ടിടങ്ങളുടെ സുരക്ഷയെക്കുറിച്ച് നിങ്ങളുടെ അഭിപ്രായം പങ്കുവെക്കുക, ഈ വാർത്ത ഷെയർ ചെയ്യുക.

Article Summary: A school hall ceiling collapsed in Thrissur, Kerala. A major disaster was averted due to a school holiday.

#Thrissur #Kerala #SchoolSafety #BuildingCollapse #AccidentNews #KeralaNews