Fisherman Died | മുതലപ്പൊഴിയില്‍ വീണ്ടും അപകടം; വള്ളം മറിഞ്ഞ് മീന്‍പിടുത്ത തൊഴിലാളി മരിച്ചു
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
മരിച്ചത് തിരുവനന്തപുരം അഞ്ചുതെങ്ങ് സ്വദേശി.
അപകടം ജോലി കഴിഞ്ഞ് മടങ്ങി വരവേ.
പുലര്‍ചെ ഒന്നരയോടെയായിരുന്നു സംഭവം.
തിരുവനന്തപുരം: (KVARTHA) മുതലപ്പൊഴി തുറമുഖ അഴിമുഖത്ത് അപകടം പതിവാകുന്നു. വള്ളം മറിഞ്ഞ് മീന്‍പിടുത്ത തൊഴിലാളി മരിച്ചു. തിരുവനന്തപുരം അഞ്ചുതെങ്ങ് സ്വദേശി വിക്ടറാണ് (50) മരിച്ചത്. വിക്ടറിനൊപ്പം വള്ളത്തിലുണ്ടായിരുന്ന മൂന്ന് തൊഴിലാളികള്‍ രക്ഷപ്പെട്ടു.
മീന്‍പിടുത്തം കഴിഞ്ഞ് മടങ്ങി വരവേ അഴിമുഖത്തുണ്ടായ ശക്തമായ തിരയില്‍പെട്ട് വള്ളം തലകീഴായി മറിയുകയായിരുന്നു. വ്യാഴാഴ്ച (20.06.2024) പുലര്‍ചെ ഒന്നരയോടെയായിരുന്നു ദാരുണ അപകടം. ഫ്രാന്‍സിസ്, സുരേഷ് യേശുദാസ് എന്നിവരാണ് രക്ഷപ്പെട്ടത്. അഞ്ചുതെങ്ങ് സ്വദേശി ജോബോയുടെ ഉടമസ്ഥതയിലുള്ള 'ചിന്തധിര ' എന്ന വള്ളമാണ് മറിഞ്ഞത്.
അപകടസമയത്ത് അഴിമുഖത്തുണ്ടായിരുന്ന ഫിഷറീസ് ഗാര്‍ഡുകളും, കോസ്റ്റല്‍ പൊലീസും നടത്തിയ തിരച്ചിലാണ് വിക്ടറിനെ കണ്ടെത്തിയത്. മുതലപ്പൊഴിയില്‍ നേരത്തെയും വള്ളം മറിഞ്ഞ് മീന്‍പിടുത്ത തൊഴിലാളികള്‍ മരിച്ചിരുന്നു.
