ഒടുവള്ളിയിൽ ഓടിക്കൊണ്ടിരുന്ന ടിപ്പർ ലോറിക്ക് തീപിടിച്ചു; നാട്ടുകാരുടെ ഇടപെടൽ വൻ ദുരന്തം ഒഴിവാക്കി

തളിപ്പറമ്പ്: (KVARTHA) ഒടുവള്ളിയിൽ ഓടിക്കൊണ്ടിരുന്ന ടിപ്പർ ലോറിക്ക് തീപിടിച്ചു. നാട്ടുകാരുടെ സമയോചിതമായ ഇടപെടൽ വൻ ദുരന്തം ഒഴിവാക്കി. ഞായറാഴ്ച വൈകുന്നേരം അഞ്ചരയോടെ ഒടുവള്ളി ബൈക്ക് വർക്ക് ഷോപ്പിന് മുന്നിൽ വെച്ചാണ് അപകടമുണ്ടായത്.

തൃക്കരിപ്പൂരിലെ കെ. വിപിൻചന്ദ്രന്റെ ഉടമസ്ഥതയിലുള്ള കെ.എൽ-58 കെ-7405 (KL-58 K-7405) ടിപ്പർ ലോറിക്കാണ് തീപിടിച്ചത്. ലോറിയുടെ എൻജിൻ ഭാഗത്ത് നിന്ന് പുക ഉയരുന്നത് കണ്ട് വാഹനം നിർത്തി പരിശോധിച്ചപ്പോഴാണ് തീപിടിച്ചതാണെന്ന് വ്യക്തമായത്.

ഉടൻ തന്നെ രക്ഷാപ്രവർത്തനവുമായി നാട്ടുകാർ ഓടിയെത്തി. എം.എസ്. സോണി, ടി.കെ. സുഭാഷ്, അരുൺ ജോയ്, ആൻഡ്രൂസ്, ബിൻസ്, അഖിൽ, ബോണി എന്നിവരുടെ നേതൃത്വത്തിൽ നടത്തിയ പരിശ്രമത്തിനൊടുവിലാണ് തീ അണയ്ക്കാൻ സാധിച്ചത്. ഇവരുടെ ഇടപെടൽ മൂലമാണ് തീ പടരുന്നത് തടയാനും വൻ അപകടം ഒഴിവാക്കാനും കഴിഞ്ഞത്.

വിവരമറിഞ്ഞ് തളിപ്പറമ്പിൽ നിന്നും അഗ്നിശമനസേന സ്ഥലത്തെത്തിയപ്പോഴേക്കും നാട്ടുകാർ തീയണച്ചിരുന്നു. വാഹനത്തിലെ ഷോർട്ട് സർക്യൂട്ടാണ് അപകടത്തിന് കാരണമെന്നാണ് പ്രാഥമിക നിഗമനം.

ഈ വാർത്ത സുഹൃത്തുകൾക്കും കുടുംബാംഗങ്ങൾക്കും ഷെയർ ചെയ്യൂ. നിങ്ങളുടെ അഭിപ്രായം കമന്റായി രേഖപ്പെടുത്തൂ.

Article Summary: A moving tipper lorry caught fire at Oduvally near Taliparamba on Sunday evening. Quick intervention by locals helped extinguish the fire before the Fire Force arrived, averting a major disaster.

#Taliparamba #Oduvally #FireAccident #KeralaNews #LocalHeroes #Kannur #TipperLorry