ഹൈകോടതി വിധി താൽക്കാലികം, രാഹുൽ മാങ്കൂട്ടത്തിൽ അറസ്റ്റ് ചെയ്യപ്പെടും: എം വി ഗോവിന്ദൻ

കണ്ണൂർ: (KVARTHA) യുവനേതാവ് രാഹുൽ മാങ്കൂട്ടത്തിലിനെ അറസ്റ്റ് ചെയ്യരുതെന്ന ഹൈകോടതിയുടെ വിധി താൽക്കാലികം മാത്രമാണെന്നും, നിയമം അതിൻ്റെ വഴിക്ക് പോകുമെന്നും അറസ്റ്റ് ചെയ്യപ്പെടുക തന്നെ ചെയ്യുമെന്നും സി പി എം സംസ്ഥാന സെക്രട്ടറി എം വി ഗോവിന്ദൻ പറഞ്ഞു. കണ്ണൂർ അഴീക്കോടൻ മന്ദിരത്തിൽ മാധ്യമങ്ങളോട് പ്രതികരിക്കുകയായിരുന്നു അദ്ദേഹം.

‘കേസുകൾ ഒന്നൊന്നായി പുറത്തുവരികയാണ്. ഒന്നിൽ മാത്രമേ അറസ്റ്റ് തടഞ്ഞിട്ടുള്ളൂ. രണ്ടും മൂന്നും അതിൻ്റെ പുറകെ ഒന്നൊന്നായി കേസുകൾ വന്നുകൊണ്ടിരിക്കും. അതിൽ പലതും ഗുരുതരമാണ്’ എം വി ഗോവിന്ദൻ ചൂണ്ടിക്കാട്ടി.

തദ്ദേശ സ്വയംഭരണ തിരഞ്ഞെടുപ്പിനെ നേരിടാനാവാതെ യു ഡി എഫ് പ്രതിസന്ധിയിലാണ്. രാഹുൽ മാങ്കൂട്ടത്തിൽ ഘടകമല്ലെങ്കിൽ പോലും യു ഡി എഫിന് ഈ തിരഞ്ഞെടുപ്പിൽ വലിയ തിരിച്ചടി ഉണ്ടാകുമെന്നും എം വി ഗോവിന്ദൻ പറഞ്ഞു.

എം വി ഗോവിന്ദൻ്റെ പ്രതികരണത്തെക്കുറിച്ചുള്ള നിങ്ങളുടെ അഭിപ്രായം കമൻ്റ് ചെയ്യുക. 

Article Summary: CPM Secretary M V Govindan says Rahul Mamkootathil will be arrested, calling High Court stay temporary.

#MVGovindan #RahulMamkootathil #CPMKerala #KeralaPolitics #UDF #Arrest