അമിതവേഗത ദുരന്തമായി; പയ്യന്നൂരിൽ കാറിടിച്ച് ഓട്ടോറിക്ഷ യാത്രക്കാരി മരിച്ചു

പയ്യന്നൂർ: (KVARTHA) അമിത വേഗതയിൽ നിയന്ത്രണം വിട്ടെത്തിയ കാർ വാഹനങ്ങളിൽ ഇടിച്ചുണ്ടായ അപകടത്തിൽ ഓട്ടോറിക്ഷ യാത്രക്കാരി മരിച്ചു. തൃക്കരിപ്പൂർ ഉടുമ്പന്തല സ്വദേശിനി ഖദീജ (58) യാണ് മരണമടഞ്ഞത്. ഇതേ കാർ ഇടിച്ചുതെറിപ്പിച്ച് ബൈക്ക് യാത്രക്കാരനും പരുക്കേറ്റു.

വ്യാഴാഴ്ച രാത്രി ഒൻപതരയോടെ പയ്യന്നൂർ പഴയ ബസ് സ്റ്റാൻഡിന് സമീപമായിരുന്നു അപകടം. മദ്യലഹരിയിലായിരുന്ന കാറിലുണ്ടായിരുന്ന രണ്ട് യുവാക്കളെ നാട്ടുകാർ പിടികൂടി പോലീസിൽ ഏൽപ്പിച്ചു. മറ്റു രണ്ടു പേർ ഓടി രക്ഷപ്പെട്ടു. ഇവർക്കായി പോലീസ് തിരച്ചിൽ നടത്തിവരികയാണ്.

ഹ്യൂണ്ടായ് വെർണ കാറാണ് അപകടമുണ്ടാക്കിയത്. ഇടിയുടെ ആഘാതത്തിൽ ഓട്ടോറിക്ഷ പൂർണ്ണമായും തകർന്നു. ഗുരുതരമായി പരുക്കേറ്റ ഖദീജയെ നാട്ടുകാരും പോലീസും ചേർന്ന് ആശുപത്രിയിലെത്തിച്ചുവെങ്കിലും അർദ്ധരാത്രി പതിനൊന്ന് മണിയോടെ മരണം സംഭവിച്ചു. മൃതദേഹം കണ്ണൂർ ഗവ. മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി.

പയ്യന്നൂരിലെ ദാരുണമായ ഈ അപകട വാർത്തയെക്കുറിച്ച് നിങ്ങളുടെ അഭിപ്രായം പങ്കുവെക്കൂ

Article Summary: Autorickshaw passenger Khadeeja (58) died in Payyanur after a speeding car hit her vehicle.

#PayyanurAccident #RoadSafety #Tragedy #FatalAccident #KeralaNews #DrunkDriving