പാചകവാതക ചോർച്ച: കണ്ണൂർ പുതിയങ്ങാടിയിൽ നാല് അതിഥി തൊഴിലാളികൾക്ക് പൊള്ളലേറ്റു; രണ്ടുപേരുടെ നില ഗുരുതരം

കണ്ണൂർ: (KVARTHA) പുതിയങ്ങാടിയിലെ താമസ സ്ഥലത്തെ പാചക വാതക സിലിൻഡർ ലീക്കായതിനെ തുടർന്നുണ്ടായ തീപ്പിടുത്തത്തിൽ നാല് അതിഥി തൊഴിലാളികൾക്ക് പൊള്ളലേറ്റു. ഇവരിലെ രണ്ടുപേരുടെ നില ഗുരുതരമാണ്.

പുതിയങ്ങാടി ഹാർബറിന് സമീപത്തെ വാടക ക്വാർട്ടേഴ്സിൽ വെള്ളിയാഴ്ച രാവിലെ 6:30 ഓടെയാണ് അപകടം സംഭവിച്ചത്. രാവിലെ ഭക്ഷണം പാകം ചെയ്യാൻ ശ്രമിക്കുമ്പോൾ ഗ്യാസ് സിലിൻഡർ ലീക്കായി തീ പടരുകയായിരുന്നു.

പരിക്കേറ്റവരെ ഉടൻതന്നെ പരിയാരത്തെ കണ്ണൂർ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. പൊള്ളലേറ്റ രണ്ടുപേർ അതിതീവ്ര പരിചരണ വിഭാഗത്തിൽ ചികിത്സയിലാണ്.

അപകടത്തെ തുടർന്ന് സ്ഥലത്തെത്തിയ ഫയർഫോഴ്‌സ് അധികൃതർ വാടക ക്വാർട്ടേഴ്സിൽനിന്ന് പാചക വാതക സിലിൻഡർ മാറ്റി നിർവീര്യമാക്കി. വ്യാഴാഴ്ച രാത്രിയിൽ സിലിൻഡർ ഓഫ് ചെയ്യാൻ വിട്ടുപോയതാണ് ചോർച്ചയ്ക്കു കാരണമായതെന്ന് സംശയിക്കുന്നതായി ഫയർഫോഴ്‌സ് അറിയിച്ചു.

ഈ ദുരന്ത വാർത്തയിൽ നിങ്ങളുടെ അഭിപ്രായമെന്താണ്? പാചകവാതക സുരക്ഷാ മുൻകരുതലുകളെക്കുറിച്ച് ബോധവൽക്കരണം ആവശ്യമാണോ? 

Article Summary: Four migrant workers injured, two seriously, in a cooking gas leak fire in Kannur's Puthiyangaadi.

#GasLeak #Kannur #FireAccident #MigrantWorkers #SafetyFirst #KeralaNews