ചികിത്സയ്ക്കായി കോഴിക്കോട്ടേക്ക് പോവുകയായിരുന്ന പുന്നാട് സ്വദേശികൾ സഞ്ചരിച്ച കാറിൽ ലോറി ഇടിച്ച് വീട്ടമ്മ മരിച്ചു; രണ്ടുപേർക്ക് പരിക്ക്

കണ്ണൂർ: (KVARTHA) ചികിത്സക്കായി കോഴിക്കോട്ടേക്ക് പോവുകയായിരുന്ന പുന്നാട് സ്വദേശികൾ സഞ്ചരിച്ച കാറിൽ പിക്കപ്പ് വാൻ ഇടിച്ച് വീട്ടമ്മ മരിച്ചു. പുന്നാട് താവിലാകുറ്റിയിലെ പാർവതി റാം നിവാസിൽ ഓമന (61) ആണ് മരിച്ചത്. വ്യാഴാഴ്ച പുലർച്ചെ കൊയിലാണ്ടിയിൽ വെച്ചായിരുന്നു അപകടം നടന്നത്.

കോഴിക്കോട് ബേബി മെമ്മോറിയൽ ആശുപത്രിയിൽ തുടർചികിത്സക്കായി ഓമനയും ഭർതൃസഹോദരി രമണി (55), ഇവരുടെ മകൻ സരിൻ (33) എന്നിവർക്കൊപ്പം കാറിൽ യാത്ര ചെയ്യവേയാണ് അപകടം സംഭവിച്ചത്. കാറിലുണ്ടായിരുന്ന മറ്റ് രണ്ടുപേർക്കും പരിക്കേറ്റു. ഇവർ കോഴിക്കോട്ടെ സ്വകാര്യ ആശുപത്രിയിൽ ചികിത്സയിലാണ്.

ഭർത്താവ്: പന്നിയോടൻ ശ്രീധരൻ. മക്കൾ: ശ്രീജേഷ് (ബാംഗ്ലൂർ), മഹിമ. മരുമക്കൾ: പ്രജീഷ് (എയർ ഫോഴ്‌സ്), ശ്രീലക്ഷ്മി (തൃശൂർ). സംസ്കാരം വ്യാഴാഴ്ച വൈകിട്ട് ഏഴു മണിക്ക് വീട്ടുവളപ്പിൽ നടന്നു.

ഈ വാർത്ത ഷെയർ ചെയ്യൂ. നിങ്ങളുടെ അഭിപ്രായങ്ങൾ കമൻ്റ് ചെയ്യുക.

Article Summary: Housewife Omana (61) from Punnad, Kannur, died in a road accident near Koyilandy while traveling to Kozhikode for treatment.

#RoadAccident #Koyilandy #KannurNews #KeralaNews #Tragedy #AccidentVictim