കണ്ണൂർ: (KVARTHA) മട്ടന്നൂരിനടുത്ത് ഉളിയിൽ സ്വകാര്യ ബസും ലോറിയും കൂട്ടിയിടിച്ച് പത്ത് പേർക്ക് പരിക്കേറ്റു. ഇതിൽ രണ്ടുപേരുടെ നില ഗുരുതരമാണ്. ബസ് ഡ്രൈവർക്കും മുൻവശത്ത് ഇരുന്ന യാത്രക്കാരനുമാണ് ഗുരുതരമായി പരിക്കേറ്റത്. ഇവരെ കണ്ണൂർ ചാലയിലെ സ്വകാര്യ ആശുപത്രിയിലേക്ക് മാറ്റി.

ചൊവ്വാഴ്ച രാവിലെ ഏഴോടെ ഉളിയിൽ പാലത്തിന് സമീപമാണ് അപകടം. കർണാടകയിലേക്ക് പോയ സ്വകാര്യ ബസും ഇരിട്ടിയിൽ നിന്ന് വന്ന ലോറിയുമാണ് കൂട്ടിയിടിച്ചത്. അപകടത്തിൽ ബസിൻ്റെ മുൻഭാഗം പൂർണമായും തകർന്നു. അപകടകാരണം വ്യക്തമല്ല.

ആലപ്പുഴ സ്വദേശികളായ അതുൽ (14), ബിന്ദു (51), പ്രീത (60), അലൻ (23) എന്നിവർക്കും നായാട്ടുപാറ കുന്നോത്തിലെ മനോഹരി (58), രാമകൃഷ്ണൻ (63), എടയന്നൂരിലെ അബ്ദുൾ റസാഖ് (64), ഉസ്മാൻ (46), കണ്ണൂരിലെ സി. പ്രഭു (24), ദീപാലത (38) എന്നിവർക്കാണ് പരിക്കേറ്റത്. ഇവരെ മട്ടന്നൂരിലെ ആശുപത്രിയിൽ പ്രാഥമിക ചികിത്സ നൽകിയ ശേഷം ചാല മിംമ്സ് ആശുപത്രിയിൽ പ്രവേശിപ്പിച്ചു.

ഈ വാർത്ത കൂടുതൽ ആളുകളിലേക്ക് എത്തിക്കാൻ ഷെയർ ചെയ്യൂ. നിങ്ങളുടെ അഭിപ്രായങ്ങൾ കമന്റുകളായി രേഖപ്പെടുത്തുക.

Collision between a private bus and a lorry in Uliyil, near Mattannur, Kannur, injured 10 people, with two in critical condition. The accident occurred around 7:00 AM on Tuesday.

#KannurAccident #RoadAccident #BusCollision #LorryAccident #KeralaAccident #TrafficAccident