ഓടുന്ന ബസിൻ്റെ ഡ്രൈവറെ മർദ്ദിച്ചു; ബസ് നിയന്ത്രണം വിട്ട് പോസ്റ്റിലിടിച്ചു, വൻ ദുരന്തം ഒഴിവായി!

കണ്ണൂർ: (KVARTHA) പഴയങ്ങാടിയിൽ നിന്ന് മാട്ടൂലിലേക്ക് പോകുകയായിരുന്ന ബസ്സിൻ്റെ ഡ്രൈവറെ മർദ്ദിച്ചതിനെ തുടർന്ന് നിയന്ത്രണം നഷ്ടപ്പെട്ട ബസ് ഇലക്ട്രിക് പോസ്റ്റിലിടിച്ചു. ശനിയാഴ്ച ഉച്ചയ്ക്ക് ഒരു മണിയോടെയാണ് മാട്ടൂൽ പഞ്ചായത്ത് ഓഫീസിന് സമീപം ഞെട്ടിക്കുന്ന ഈ സംഭവം അരങ്ങേറിയത്. പഴയങ്ങാടി-മാട്ടൂൽ റൂട്ടിലോടുന്ന ബ്രീസ് ബസിൻ്റെ ഡ്രൈവറായ എഴോം സ്വദേശി മുഫസ്സിറിനെയാണ് മറ്റൊരു ബസിൻ്റെ ഉടമസ്ഥനായ ഷബീർ എന്നയാൾ വ്യക്തിവിരോധം കാരണം മർദ്ദിച്ചത്.
 

നിയന്ത്രണം വിട്ട ബസ് ഇലക്ട്രിക് പോസ്റ്റിലും ഒരു വീടിൻ്റെ മതിലിലും ഇടിച്ചാണ് നിന്നത്. നിറയെ യാത്രക്കാരുണ്ടായിരുന്ന ബസ് വൈദ്യുതി പോസ്റ്റിൽ ഇടിച്ചതിനെ തുടർന്ന് വൈദ്യുതി ബന്ധം വിച്ഛേദിക്കപ്പെട്ടതിനാൽ ഒരു വലിയ ദുരന്തമാണ് ഒഴിവായത്. ഡ്രൈവർ മുഫസ്സിറിന് തലയ്ക്ക് പരിക്കേറ്റു. അദ്ദേഹത്തെ പരിയാരത്തെ കണ്ണൂർ ഗവ. മെഡിക്കൽ കോളേജിൽ പ്രവേശിപ്പിച്ചു. സംഭവത്തിൽ പഴയങ്ങാടി പോലീസ് അന്വേഷണം ആരംഭിച്ചിട്ടുണ്ട്.

ഈ വാർത്തയെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക. 

Article Summary: Bus driver assaulted in Kannur, bus crashes, major disaster averted.
 

#KannurNews #BusAccident #KeralaPolice #RoadSafety #Pazhayangadi #BusDriver