റിബൽ സ്ഥാനാർത്ഥികളായി മത്സരം: കോൺഗ്രസ് ഭാരവാഹികളായ ദമ്പതികളെ പുറത്താക്കി

കണ്ണൂർ: (KVARTHA) തദ്ദേശ സ്വയംഭരണ തിരഞ്ഞെടുപ്പിൽ പാർട്ടിക്കും യു ഡി എഫ് മുന്നണിക്കും എതിരെ റിബൽ സ്ഥാനാർത്ഥികളായി മത്സരത്തിനിറങ്ങിയ ദമ്പതികളെ കോൺഗ്രസ് നേതൃത്വം പുറത്താക്കി. പരിയാരം ഗ്രാമപഞ്ചായത്തിൽ യു ഡി എഫ് സ്ഥാനാർത്ഥികൾക്കെതിരെ മത്സരിക്കുന്ന ദമ്പതികൾക്കെതിരെയാണ് കണ്ണൂർ ജില്ലാ കോൺഗ്രസ് നേതൃത്വം അച്ചടക്ക നടപടി സ്വീകരിച്ചത്.

പാർട്ടി അച്ചടക്കത്തിന് വിരുദ്ധമായി വിമത പ്രവർത്തനം നടത്തിയതിന് തളിപ്പറമ്പ് ബ്ലോക്ക് കോൺഗ്രസ് സെക്രട്ടറി ടി സൗമിനി (വാർഡ് 14-തൊണ്ടന്നൂർ), 14-ാം വാർഡ് പ്രസിഡന്റ് പയ്യരട്ട നാരായണൻ (വാർഡ് 16-പരിയാരം) എന്നിവരെ ഇന്ത്യൻ നാഷണൽ കോൺഗ്രസ് പാർട്ടിയിൽ നിന്ന് പുറത്താക്കിയതായി ഡി സി സി പ്രസിഡന്റ് മാർട്ടിൻ ജോർജ് വാർത്താക്കുറിപ്പിൽ അറിയിച്ചു.

പയ്യരട്ട നാരായണൻ മണ്ഡലം പ്രസിഡന്റ് പി വി സജീവനെതിരെയും ഭാര്യ സൗമിനി വനിതാ ലീഗ് ജില്ലാ പ്രസിഡന്റ് പി സാദിത ടീച്ചർക്കെതിരെയുമാണ് മത്സരിക്കുന്നത്.

മണ്ഡലം പ്രസിഡന്റ് സ്ഥാനവും പഞ്ചായത്ത് മെമ്പർ സ്ഥാനവും ഒരുപോലെ കൈയാളുന്നതിൽ പ്രതിഷേധിച്ചാണ് പയ്യരട്ട ദമ്പതികൾ പാർട്ടിക്കും മുന്നണിക്കും എതിരെ മത്സരരംഗത്തെത്തിയത്.

കോൺഗ്രസിൽ നടന്ന ഈ അച്ചടക്ക നടപടിയെക്കുറിച്ച് നിങ്ങളുടെ അഭിപ്രായം എന്താണ്? വാർത്ത നിങ്ങളുടെ സുഹൃത്തുക്കളുമായി പങ്കുവെക്കൂ. 

Article Summary: Congress expels couple T. Soumini and Payyaratta Narayanan for contesting as rebels against UDF in Pariyaram Grama Panchayat.

#Kannur #Congress #RebelCandidate #Pariyaram #LocalBodyElection #KeralaPolitics