Police Booked | പെട്രോള് പമ്പ് ജീവനക്കാരനെ എഎസ്ഐ മര്ദിച്ചതായി പരാതി; പൊലീസ് കേസെടുത്തു
Jul 26, 2023, 16:48 IST
ADVERTISEMENT
ഇടുക്കി: (www.kvartha.com) പെട്രോള് പമ്പ് ജീവനക്കാരനെ മര്ദിച്ചുവെന്ന പരാതിയില് എഎസ്ഐക്കെതിരെ കുമളി പൊലീസ് കേസെടുത്തു. കുമളി ചെളിമടയിലെ പമ്പ് ജീവനക്കാരനായ രഞ്ജിത് കുമാറിനെയാണ് വണ്ടിപ്പെരിയാര് സ്റ്റേഷനിലെ എഎസ്ഐ മുരളി മര്ദിച്ചതെന്നാണ് പരാതി. ചൊവ്വാഴ്ച വൈകീട്ട് ആറ് മണിയോടെയാണ് സംഭവം.
പൊലീസ് പറയുന്നത്: പെട്രോള് പമ്പില് സ്കൂടറിലെത്തിയ വണ്ടിപ്പെരിയാര് പൊലീസ് സ്റ്റേഷനിലെ എഎസ്ഐ മുരളി ഇന്ധനം നിറയ്ക്കാന് ആവശ്യപ്പെട്ടു. ടാങ്കിന്റെ അടപ്പ് തുറന്നു നല്കണമെന്ന് രഞ്ജിത് പറഞ്ഞു. ജീവനക്കാരാണ് തുറക്കേണ്ടതെന്നും അല്ലെന്നുമുള്ള തര്ക്കത്തിനിടെ എഎസ്ഐ മുരളി രഞ്ജിത്തിനെ മര്ദിക്കുകയായിരുന്നു എന്നും പരാതിയില് പറയുന്നു. സംഭവത്തില് പൊലീസ് കേസെടുത്തു.
അതേസമയം കൈയ്ക്കും തലക്കും വാരിയെല്ലിനും നാഭിക്കും മര്ദനത്തില് പരുക്കേറ്റതായി രഞ്ജിത്ത് പറഞ്ഞു. താഴെ വീണിട്ടും എഎസ്ഐ മര്ദനം തുടരുകയായിരുന്നു. പമ്പില് ഇന്ധനമടിക്കാന് എത്തിയവരും ജീവനക്കാരും ചേര്ന്നാണ് പിടിച്ചു മാറ്റിയതെന്നും രഞ്ജിത് പറഞ്ഞു. രഞ്ജിത്തിനെ കുമളിയിലെ ആശുപത്രിയില് പ്രവേശിപ്പിച്ചു.
Keywords: Idukki, News, Kerala, Petrol pumb, Police booked, Case, Idukki: Petrol pumb employee attacked by ASI; Police booked.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
