ആലപ്പുഴ:(KVARTHA) ചേർത്തല തണ്ണീർമുക്കം കട്ടച്ചിറയിൽ ബുധനാഴ്ച തെരുവുനായയുടെ ആക്രമണത്തിൽ ആറുപേർക്ക് പരിക്കേറ്റു. ഉച്ചയോടെയുണ്ടായ ആക്രമണത്തിൽ രണ്ടുപേർക്ക് മുഖത്തും മറ്റുള്ളവർക്ക് ശരീരത്തിൻ്റെ വിവിധ ഭാഗങ്ങളിലുമാണ് കടിയേറ്റത്. മുഖത്ത് പരിക്കേറ്റവരെ വണ്ടാനം സർക്കാർ മെഡിക്കൽ കോളേജിൽ പ്രവേശിപ്പിച്ചു.

കട്ടച്ചിറ സ്വദേശികളായ അനന്ദവല്ലി (71), രാധാകൃഷ്ണൻ (58), സദാനന്ദൻ (70) എന്നിവർക്കും അർജുനൻ (59), ലളിത, ഉഷ എന്നിവർക്കുമാണ് തെരുവുനായയുടെ കടിയേറ്റത്. സദാനന്ദൻ്റെ കണ്ണിന് പരിക്കുണ്ട്. ഓടുന്നതിനിടെ വീണ് ഉഷയുടെ കൈ ഒടിഞ്ഞു. പരിക്കേറ്റവരെ കോട്ടയം, ആലപ്പുഴ, ചേർത്തല എന്നിവിടങ്ങളിലെ വിവിധ ആശുപത്രികളിൽ പ്രവേശിപ്പിച്ചിരിക്കുകയാണ്.

കഴിഞ്ഞ ദിവസങ്ങളിൽ ജില്ലയിലെ ചെറുതന, വീയപുരം പഞ്ചായത്തുകളിലായി തെരുവുനായ ആറുപേരെ കടിച്ചിരുന്നു. ഇതിനുപുറമെ രാമങ്കരിയിൽ മുൻ പഞ്ചായത്തംഗമായ ആനിയമ്മ സ്കറിയയുടെ കൈവിരലിൻ്റെ ഒരു ഭാഗം തെരുവുനായ കടിച്ചെടുത്തു. തിങ്കളാഴ്ച രാത്രി പുന്നൂർ പറമ്പിൽ നാസിമയുടെ മകൾ അൻസിറയെ (12) വീട്ടിലെ നായയ്ക്ക് ഭക്ഷണം നൽകാൻ പോയപ്പോൾ തെരുവുനായ ആക്രമിച്ചിരുന്നു. പിന്നീട് ഈ നായ ചൊവ്വാഴ്ച രാവിലെ മറ്റ് അഞ്ചുപേരെയും കടിച്ചു. ഒരു ആടിനും കടിയേറ്റ ഈ നായ പിന്നീട് ചത്ത നിലയിൽ കണ്ടെത്തുകയും, പേവിഷബാധ സ്ഥിരീകരിക്കുകയും ചെയ്തിരുന്നുവെന്നാണ് വിവരം. സംസ്ഥാനത്തെ തുടർച്ചയായ തെരുവുനായ ആക്രമണങ്ങൾ ജനങ്ങളിൽ ഭീതി സൃഷ്ടിച്ചിട്ടുണ്ട്.

തെരുവുനായ ശല്യം നിയന്ത്രിക്കാൻ എന്ത് നടപടികൾ സ്വീകരിക്കണം?  ഇത്തരം സംഭവങ്ങൾ ആവർത്തിക്കാതിരിക്കാൻ എന്ത് ചെയ്യാൻ കഴിയും? വാർത്ത ഷെയർ ചെയ്യുക.

Article Summary: Six people were injured in a street dog attack in Kattachira, Alappuzha. Two individuals sustained facial injuries and were hospitalized. This follows recent dog attacks in other parts of the district, highlighting the escalating stray dog menace.

#StreetDogAttack, #Alappuzha, #DogMenace, #Kerala, #AnimalAttack, #PublicSafety