സംസ്ഥാനത്ത് 2 പേര്ക്ക് കൂടി സിക വൈറസ് സ്ഥിരീകരിച്ചു; ആകെ 21 രോഗികള്
Jul 13, 2021, 13:11 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
തിരുവനന്തപുരം: (www.kvartha.com 13.07.2021) സംസ്ഥാനത്ത് രണ്ടുപേര്ക്ക് കൂടി സിക വൈറസ് സ്ഥിരീകരിച്ചു. ആരോഗ്യമന്ത്രി വീണാ ജോര്ജ് ആണ് ഇക്കാര്യം അറിയിച്ചത്. പൂന്തുറ സ്വദേശി (35), മറ്റൊരു സ്വകാര്യ ആശുപത്രിയില് ചികിത്സ തേടിയ ശാസ്തമംഗലം സ്വദേശിനി (41) എന്നിവര്ക്കാണ് സിക വൈറസ് സ്ഥിരീകരിച്ചത്. തിരുവനന്തപുരം മെഡികല് കോളജിലെ വൈറോളജി ലാബില് നടത്തിയ പരിശോധനയില് പൂന്തുറ സ്വദേശിക്കും കോയമ്പത്തൂര് ലാബില് നടത്തിയ പരിശോധനയില് ശാസ്തമംഗലം സ്വദേശിനിക്കുമാണ് സിക വൈറസ് സ്ഥിരീകരിച്ചത്.
മെഡികല് കോളജില് സിക വൈറസ് പരിശോധന ആരംഭിച്ചത് തിങ്കളാഴ്ച മുതലാണ്. ആദ്യ ദിവസത്തില് 15 സാംപിളുകള് പരിശോധിച്ചതില് ഒരാള്ക്ക് ഡെങ്കിപ്പനി സ്ഥിരീകരിച്ചു. ബാക്കി 13 പേരുടെ പരിശോധനാഫലം നെഗറ്റീവാണ്. ഇതോടെ സംസ്ഥാനത്ത് 21 പേര്ക്കാണ് ഇതുവരെ സിക വൈറസ് സ്ഥിരീകരിച്ചതെന്നും മന്ത്രി അറിയിച്ചു.
അതേസമയം ജില്ലാ മെഡികല് ഓഫിസറോട് സ്ഥലം സന്ദര്ശിച്ച് പ്രതിരോധ നടപടികള് ഊര്ജിതമാക്കാന് മന്ത്രി നിര്ദേശം നല്കി. പ്രധാനമായും ഈഡിസ് കൊതുകുകള് പരത്തുന്ന രോഗമാണ് സിക. കൊതുകുകടിയില് നിന്നും രക്ഷനേടുകയാണ് സികയെ പ്രതിരോധിക്കാനുള്ള പ്രധാന മാര്ഗം. അതിനാല് തന്നെ സ്വന്തം വീടും പരിസരവും എല്ലാവരും വൃത്തിയായി സൂക്ഷിക്കേണ്ടതാണ്.
വെള്ളം കെട്ടിനില്ക്കാതെ വീടും പരിസരവും സ്ഥാപനങ്ങളും സംരക്ഷിക്കേണ്ടതാണ്. ഇന്ഡോര് പ്ലാന്റുകള്, ഫ്രിഡ്ജിന്റെ ഡ്രേ എന്നിവ ആഴ്ചയിലൊരിക്കല് വൃത്തിയാക്കണം. പനി, ചുവന്ന പാടുകള്, പേശി വേദന, സന്ധി വേദന, തലവേദന തുടങ്ങിയ ലക്ഷണങ്ങള് കണ്ടാല് എല്ലാവരും ചികിത്സ തേടേണ്ടതാണെന്ന് മന്ത്രി അറിയിച്ചു.
Keywords: Thiruvananthapuram, News, Kerala, Health, Health Minister, Medical College, Test, Treatment, Zika virus confirmed in 2 more people in Kerala; A Total of 21 patients
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
