ന്യൂഡൽഹി: (KVARTHA) നിങ്ങളുടെ ദിനചര്യയിൽ വ്യായാമത്തോടൊപ്പം പോഷകാഹാരവും ഉൾപ്പെടുത്തിയാൽ മാത്രമേ ആരോഗ്യകരമായ ജീവിതശൈലി പിന്തുടരാൻ സാധിക്കുകയുള്ളു.  പഴങ്ങൾ,പച്ചക്കറികൾ, ധാന്യങ്ങൾ, ലീൻ പ്രോട്ടീൻ എന്നിവയാൽ സമ്പന്നമായ ഭക്ഷണം കഴിക്കുന്നത് നിരവധി ഗുണങ്ങൾ മാത്രമല്ല, ഹൃദ്രോഗം, പ്രമേഹം, ചില ക്യാൻസറുകൾ തുടങ്ങിയ രോഗാവസ്ഥകളെ പ്രതിരോധിക്കാൻ സഹായിക്കും.  എന്നാൽ മസ്തിഷ്ക വാർദ്ധക്യത്തെ നല്ല രീതിയിൽ സ്വാധീനിക്കുകയും ഡിമെൻഷ്യ പോലുള്ള ഡീജനറേറ്റീവ് രോഗങ്ങൾ തടയാൻ സഹായിക്കുകയും ചെയ്യുന്ന നിർവധി ഭക്ഷങ്ങളുമുണ്ട്. മസ്തിഷ്ക ആരോഗ്യത്തിന് ഇവ അത്യന്താപേക്ഷിതമാണ്.

വിദഗ്ധരുടെ അഭിപ്രായത്തിൽ, ചിന്ത, ഓർമ്മപ്പെടുത്തൽ, ന്യായവാദം എന്നിവ പോലുള്ള ദൈനംദിന ജീവിതത്തെ തടസ്സപ്പെടുത്തുന്ന വൈജ്ഞാനിക പ്രവർത്തനങ്ങളുടെ താളം തെറ്റിക്കുന്ന -ഡിമെൻഷ്യ, അൽഷിമേഴ്‌സ് പോലുള്ള രോഗങ്ങൾ റിവേഴ്‌സ് ചെയ്യാൻ ഒരു വഴിയും ഇല്ലെങ്കിലും, ശരിയായ ഭക്ഷണ ക്രമത്തിലൂടെ ഇവ വൈകി ഉണ്ടാകുന്നതിനും തടയുന്നതിനും സഹായിക്കും. 

ഭക്ഷണത്തിൽ ആൻ്റിഓക്‌സിഡൻ്റുകളും ഫ്ലേവനോയ്ഡുകളും ഉൾപ്പെടുത്തുന്നത് ഡിമെൻഷ്യ വരാനുള്ള സാധ്യത 28 ശതമാനം കുറക്കുമെന്നാണ് പഠനങ്ങൾ പറയുന്നത്.  ആരോഗ്യം വർദ്ധിപ്പിക്കുന്ന ഇത്തരം രാസവസ്തുക്കൾ വിവിധ ഭക്ഷണങ്ങളിൽ കാണപ്പെടുന്നുണ്ട്. അവ ഏതൊക്കെയെന്ന് നമ്മുക്ക് നോക്കാം 

ബെറികൾ

സ്ഥിതിവിവരക്കണക്കുകൾ പറയുന്നത്, ലോകമെമ്പാടുമുള്ള ഡിമെൻഷ്യ ബാധിച്ചവരുടെ എണ്ണം 2050 ഓടെ ഏകദേശം മൂന്നിരട്ടിയായി അതായത് 153 ദശലക്ഷമായി ഉയരുമെന്നാണ് പ്രവചിക്കപ്പെടുന്നത്- ഇത് ആഗോള ആരോഗ്യ, സാമൂഹിക പരിപാലന സംവിധാനങ്ങൾക്ക് അതിവേഗം വർദ്ധിച്ചുവരുന്ന ഭീഷണിയാണ്.  അതിനാൽ, ഫ്ലേവനോയിഡ് അടങ്ങിയ ഭക്ഷണപാനീയങ്ങൾ വർദ്ധിപ്പിച്ച് ഇത് തടയുന്നതാണ് നല്ലത്.                                            ഫ്‌ളേവനോയിഡുകൾ അടങ്ങിയ ബെറികൾ - ആൻ്റി-ഇൻഫ്ലമേറ്ററി, ക്യാൻസർ വിരുദ്ധ ഗുണങ്ങളുള്ളവയാണ്, ഇത് ഹൃദയ സംബന്ധമായ അസുഖങ്ങൾ പോലുള്ള വിട്ടുമാറാത്ത രോഗങ്ങളുടെ അപകടസാധ്യത കുറയ്ക്കുകയും വൈജ്ഞാനിക പ്രവർത്തനം മെച്ചപ്പെടുത്തുകയും ചെയ്യുന്നു.                

ഇലക്കറികൾ

കാലേ, ചീര, കടുക്, കോളാർഡ് തുടങ്ങിയ പച്ച പച്ചക്കറികൾ പ്രായമാകുമ്പോൾ വൈജ്ഞാനിക കഴിവുകൾ കുറയുന്നത് സാവധാനത്തിലാക്കാൻ സഹായിക്കും.  വിദഗ്ധരുടെ അഭിപ്രായത്തിൽ എല്ലാം ഇളക്കറികളിലുമുള്ള, ല്യൂട്ടിൻ, ഫോളേറ്റ്, β-കരോട്ടിൻ, ഫൈലോക്വിനോൺ എന്നിവയുടെ ന്യൂറോപ്രൊട്ടക്റ്റീവ് പ്രവർത്തനങ്ങൾ -  നിങ്ങളുടെ തലച്ചോറിൻ്റെ ആരോഗ്യം ദീർഘകാലത്തേക്ക് സംരക്ഷിക്കാൻ സഹായിക്കുന്നു. കൂടാതെ, അവ ആൻ്റിഓക്‌സിഡൻ്റുകളാലും കെംഫെറോൾ, ക്വെർസെറ്റിൻ തുടങ്ങിയ ഫ്ലേവനോളുകളാലും സമ്പന്നമായതിനാൽ - അവ ആഗോള വൈജ്ഞാനിക പ്രവർത്തനത്തിൽ സാവധാനത്തിലുള്ള കുറവുണ്ടാക്കാൻ സഹായിക്കുന്നു.

ചായ

ഹാർവാർഡ് ഹെൽത്ത് പറയുന്നതനുസരിച്ച്, സ്ഥിരമായി ചായ കുടിക്കുന്നവരിൽ ഡിമെൻഷ്യ വരാനുള്ള സാധ്യത 50 ശതമാനം കുറവാണ് എന്നാണ്. വിവിധ കോഗ്നിറ്റീവ് ടെസ്റ്റുകളിൽ ചായ ഉപഭോക്താക്കൾ ഉയർന്ന സ്കോർ നേടിയതായി കാണിക്കുന്ന മുമ്പത്തെ കണ്ടെത്തലുകളുമായി ഇത് പൊരുത്തപ്പെടുന്നു. ഫ്ലേവനോയിഡുകൾ പോലുള്ള ബയോ ആക്റ്റീവ് സംയുക്തങ്ങൾ ചായയിൽ അടങ്ങിയിട്ടുണ്ട് - അവയ്ക്ക് ആൻ്റി-ഇൻഫ്ലമേറ്ററി, ആൻ്റിഓക്‌സിഡൻ്റ് ശേഷിയുണ്ട്, കൂടാതെ ന്യൂറോ ട്രാൻസ്മിറ്ററിനെയും തലച്ചോറിൻ്റെ പ്രവർത്തനങ്ങളെയും നിയന്ത്രിക്കുന്ന എൽ-തിയനൈനും ഉണ്ട്.
 

റെഡ് വൈൻ

ലോകത്ത് ഏറ്റവും കൂടുതൽ ദുരുപയോഗം ചെയ്യപ്പെടുന്ന വസ്തുക്കളിൽ ഒന്നാണ് മദ്യം;  എന്നിരുന്നാലും, റെഡ് വൈൻ മിതമായ അളവിൽ കുടിക്കുന്നത് കുറച്ച് ഉപയോഗപ്രദമാകുമെന്ന് ഗവേഷണങ്ങൾ പറയുന്നു.  എന്നാൽ ആന്തരിക അവയവങ്ങൾക്ക് കേടുപാടുകൾ വരുത്തുകയും വിട്ടുമാറാത്ത നിരവധി അവസ്ഥകളുടെ അപകടസാധ്യത വർദ്ധിപ്പിക്കുകയും ചെയ്യുന്ന അനാരോഗ്യകരമായ ഉപഭോഗ ശീലങ്ങളിൽ നിങ്ങൾ ഏർപ്പെടുന്നില്ലെന്ന് ഉറപ്പുവരുത്തേണ്ടത് ആവശ്യമാണ്.

റെഡ് വൈൻ ആൻ്റിഓക്‌സിഡൻ്റുകളുടെ ഒരു പവർഹൗസ് ആയതിനാൽ ഇവ ഡിമെൻഷ്യ വരാനുള്ള സാധ്യത 28 ശതമാനം കുറയ്ക്കുമെന്നാണ് ഒരു പഠനം സൂചിപ്പിക്കുന്നത്.  അമേരിക്കൻ അക്കാദമി ഓഫ് ന്യൂറോളജിയുടെ അഭിപ്രായത്തിൽ, ആഴ്ചയിലോ മാസത്തിലോ വീഞ്ഞ് കുടിക്കുന്നവർക്ക് ഡിമെൻഷ്യ വരാനുള്ള സാധ്യത രണ്ട് മടങ്ങ് കുറവാണ് എന്നാണ്.

ഡാർക്ക്‌ ചോക്ലേറ്റ്

ഡാർക്ക് ചോക്ലേറ്റിലെ ഫ്ലേവനോയ്ഡുകളും ആൻ്റിഓക്‌സിഡൻ്റുകളും വൈജ്ഞാനിക പ്രവർത്തനം മെച്ചപ്പെടുത്തുകയും തലച്ചോറിലേക്കുള്ള രക്തയോട്ടം മെച്ചപ്പെടുത്തുകയും ചെയ്യുന്നു.  ഡാർക്ക് ചോക്ലേറ്റിൻ്റെ മിതമായ ഉപഭോഗം തലച്ചോറിലെ രക്തയോട്ടം, ഓക്സിജൻ്റെ അളവ്, നാഡികളുടെ പ്രവർത്തനം എന്നിവ മെച്ചപ്പെടുത്തുമെന്ന് പഠനങ്ങൾ പറയുന്നു.

ശ്രദ്ധിക്കുക:

ഈ ഭക്ഷണങ്ങൾ നിങ്ങളുടെ ഭക്ഷണക്രമത്തിൽ ഉൾപ്പെടുത്തുന്നത് നല്ലതാണ്. എന്നാൽ, ഏതെങ്കിലും ആരോഗ്യപ്രശ്നങ്ങൾ ഉണ്ടെങ്കിൽ നിങ്ങളുടെ ഡോക്ടറെ സമീപിക്കുന്നത് നല്ലതാണ്.

ഈ വാർത്ത നിങ്ങളുടെ സുഹൃത്തുക്കളുമായും കുടുംബാംഗങ്ങളുമായും പങ്കുവയ്ക്കുക. മസ്തിഷ്ക ആരോഗ്യം എല്ലാവർക്കും പ്രധാനമാണ്.

#brainhealth #dementiaprevention #nutrition #healthylifestyle #antioxidants #flavonoids