കോഴിക്കോട് മെഡിക്കൽ കോളേജിൽ വീണ്ടും ചികിത്സാപ്പിഴവ് ആരോപണം; പ്രസവത്തിനിടെ നവജാതശിശുവിൻ്റെ കൈ ഒടിഞ്ഞു

കോഴിക്കോട്: (KVARTHA) മെഡിക്കൽ കോളേജിനെതിരെ വീണ്ടും ചികിത്സാപ്പിഴവ് ആരോപണം. പ്രസവത്തിനിടെ നവജാതശിശുവിൻ്റെ കൈ ഒടിഞ്ഞുവെന്നാണ് കുടുംബത്തിൻ്റെ പരാതി. കുട്ടിയുടെ തുടർചികിത്സയിലും വലിയ വീഴ്ചയുണ്ടായെന്ന് കുടുംബം ആരോപിച്ചു. മേപ്പയ്യൂർ സ്വദേശികളായ രാഹുൽ - രാഖി ദമ്പതികളുടെ കുഞ്ഞിൻ്റെ കൈ ആണ് പ്രസവത്തിനിടെ ഒടിഞ്ഞത്.

തുടർചികിത്സയിലെ വീഴ്ചകൾ

2026 ഓഗസ്റ്റ് 6-നാണ് രാഖിയുടെ പ്രസവം നടന്നത്. പ്രസവത്തെ തുടർന്ന് കുഞ്ഞിൻ്റെ ഇടതുകൈയുടെ തോളിന് പരിക്കേറ്റെന്ന് പറഞ്ഞ് എൻഐസിയു യൂണിറ്റിൽ അഡ്മിറ്റ് ആക്കുകയായിരുന്നു. കുഞ്ഞിൻ്റെ കൈക്ക് പ്ലാസ്റ്റർ ഇട്ടെങ്കിലും പിന്നീട് കൃത്യമായ പരിശോധന നടന്നില്ലെന്നാണ് പരാതിയിൽ പറയുന്നത്. ഓർത്തോ വിഭാഗം ഡോക്ടർ പരിശോധിച്ച് ബാൻഡേജ് ചുറ്റിയെന്നും, രണ്ട് ദിവസം കഴിഞ്ഞ് പരിശോധിക്കാൻ പറഞ്ഞെങ്കിലും ഡോക്ടർ വന്നിരുന്നില്ലെന്നും കുടുംബം ആരോപിക്കുന്നു.

ആരോപണം നിഷേധിച്ച് ആശുപത്രി

തുടർചികിത്സ നൽകുന്നതിൽ ഉൾപ്പെടെ വലിയ അനാസ്ഥയാണ് ആശുപത്രി അധികൃതരുടെ ഭാഗത്തുനിന്നും ഉണ്ടായതെന്ന് കുടുംബം പറയുന്നു. അതേസമയം, കുടുംബം ഉന്നയിക്കുന്ന ചികിത്സാപ്പിഴവ് ആരോപണങ്ങൾ മെഡിക്കൽ കോളേജ് അധികൃതർ തള്ളി. തങ്ങളുടെ ഭാഗത്ത് നിന്നും യാതൊരുവിധ വീഴ്ചയും ഉണ്ടായിട്ടില്ലെന്നാണ് കോഴിക്കോട് മെഡിക്കൽ കോളേജ് സൂപ്രണ്ടിൻ്റെ വിശദീകരണം.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: Another allegation of medical negligence has surfaced against Kozhikode Medical College after a newborn baby's arm was reportedly broken during delivery, though the superintendent denied the claims.

#KozhikodeMedicalCollege #MedicalNegligence #KeralaNews #KozhikodeNews #NewbornBaby #MalayalamNews #AmmuNews