എയര് ബെഡ്, സക്ഷന് ഉപകരണം, ഓക്സിജന് കോണ്സണ്ട്രേറ്റര് തുടങ്ങിയ ജീവന്രക്ഷാ ഉപകരണങ്ങള്ക്ക് വൈദ്യുതി സൗജന്യമെന്ന് കെഎസ്ഇബി; ആനുകൂല്യത്തിന് അര്ഹത ഗാര്ഹിക ഉപഭോക്താക്കള്ക്ക്
Mar 10, 2021, 12:50 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
തിരുവനന്തപുരം: (www.kvartha.com 10.03.2021) വൈദ്യുതിയില് പ്രവര്ത്തിക്കുന്ന എയര് ബെഡ്, സക്ഷന് ഉപകരണം, ഓക്സിജന് കോണ്സണ്ട്രേറ്റര് തുടങ്ങിയ ജീവന് രക്ഷാ ഉപകരണങ്ങള്ക്കുള്ള വൈദ്യുതി കെ എസ് ഇ ബി സൗജന്യമായി നല്കുന്നു. ഫെയ്സ്ബുക് പേജിലൂടെയാണ് വൈദ്യുതി ബോര്ഡ് ഇക്കാര്യം അറിയിച്ചത്. ഗാര്ഹിക ഉപഭോക്താക്കള്ക്കാണ് ഈ ആനുകൂല്യത്തിന് അര്ഹത. വെള്ള പേപ്പറില് എഴുതിയ അപേക്ഷ അതത് സെക്ഷന് ഓഫീസിലെ അസിസ്റ്റന്റ് എഞ്ചിനിയര്ക്ക് നല്കണം.
അപേക്ഷയോടൊപ്പം, പ്രസ്തുത രോഗി ഉപയോഗിക്കുന്ന ഉപകരണം (വൈദ്യുതിയില് പ്രവര്ത്തിക്കുന്ന എയര് ബെഡ്, സക്ഷന് ഉപകരണം, ഓക്സിജന് കോണ്സണ്ട്രേറ്റര് മുതലായവ) അദേഹത്തിന്റെ ജീവന് നിലനിര്ത്തുന്നതിന് അത്യന്താപേക്ഷിതമാണ് എന്ന് ഒരു ഗവണ്മെന്റ് ഡോക്ടര് സാക്ഷ്യപ്പെടുത്തിയ സര്ട്ടിഫിക്കറ്റ് വേണം. 200/രൂപ മുദ്രപത്രത്തില് നിര്ദിഷ്ട മാതൃകയിലുള്ള സത്യവാങ്മൂലവും സമര്പ്പിക്കണം.
ജീവന് രക്ഷാ ഉപകരണങ്ങള്ക്കു വേണ്ട മുഴുവന് വൈദ്യുതിയും സൗജന്യമായി ലഭിക്കും. ജീവന് രക്ഷാ ഉപകരണങ്ങള്ക്കു പ്രതിമാസം വേണ്ട വൈദ്യുതി എത്രയാണെന്ന് പ്രസ്തുത ഉപകരണങ്ങളുടെ വാട്ടേജ്, ഉപയോഗിക്കുന്ന മണിക്കൂറുകള് എന്നിവ അടിസ്ഥാനമാക്കി അസിസ്റ്റന്റ് എന്ജിനീയര് കണക്കാക്കും. ആറ് മാസത്തേക്കായിരിക്കും ഇളവ് അനുവദിക്കുന്നത്. അതിനു ശേഷം, ജീവന് രക്ഷാ സംവിധാനം തുടര്ന്നും ആവശ്യമാണെന്ന അസിസ്റ്റന്റ് എഞ്ചിനീയറുടെ സര്ട്ടിഫിക്കറ്റിന് മേല് ഇളവ് തുടരാവുന്നതാണ്.
ജീവൻ രക്ഷാ ഉപകരണങ്ങൾക്ക് വൈദ്യുതി സൗജന്യം! വൈദ്യുതിയിൽ പ്രവർത്തിക്കുന്ന എയർ ബെഡ്, സക്ഷൻ ഉപകരണം, ഓക്സിജൻ കോൺസണ്ട്രേറ്റർ...
Posted by Kerala State Electricity Board on Tuesday, March 9, 2021
Keywords: Thiruvananthapuram, News, National, Electricity, KSEB, Health, Treatment, KSEB says electricity is free for life-saving equipment
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
