കോഴിക്കോട് ഷിഗല്ല രോഗം സ്ഥിരീകരിച്ചു; പ്രദേശത്തെ നാല് കിണറുകളില് നിന്ന് വെള്ളം ശേഖരിച്ച് പരിശോധനയക്കയച്ച് ആരോഗ്യ വകുപ്പ്
Dec 18, 2020, 12:28 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
കോഴിക്കോട്: (www.kvartha.com 18.12.2020) കോഴിക്കോട് ഷിഗല്ല രോഗം സ്ഥിരീകരിച്ചു. കഴിഞ്ഞ വെള്ളിയാഴ്ച കോഴിക്കോട് മെഡിക്കല് കോളേജില് ചെലവൂര് സ്വദേശിയായ പതിനൊന്ന് വയസുകാരന് മരിച്ചിരുന്നു. ഷിഗല്ല രോഗലക്ഷണമുള്ളതിനാല് പിന്നീട് നടത്തിയ പരിശോധനയില് കുട്ടിയുടെ മരണകാരണം ഷിഗല്ല ബാക്ടീരിയയാണെന്ന് സ്ഥിരീകരിച്ചിരുന്നു. ഈ കുട്ടിയുടെ മരണാനന്തര ചടങ്ങില് പങ്കെടുത്ത ഒമ്പത് കുട്ടികള്ക്കാണ് ഇപ്പോള് രോഗം സ്ഥിരീകരിച്ചത്. 12 വയസില് താഴെ പ്രായമുള്ളവരാണ് ചികിത്സയിലുള്ളത്. നാല് മുതിര്ന്നവരും രോഗലക്ഷണങ്ങളോടെ ചികിത്സയിലാണ്.
വെള്ളത്തിലൂടെയോ ഭക്ഷണത്തിലൂടെയോ ആകാം ബാക്ടീരിയ പ്രവേശിച്ചതെന്നാണ് നിഗമനം. ഉറവിടം മനസിലാക്കാന് പ്രദേശത്തെ നാല് കിണറുകളില് നിന്ന് ആരോഗ്യ വകുപ്പ് വെള്ളം ശേഖരിച്ച് പരിശോധനയക്കയച്ചു. അതേസമയം ചികിത്സയില് കഴിയുന്നവരുടെ ആരോഗ്യനില തൃപ്തികരമാണ്. ഷിഗല്ല എന്നത് ബാക്ടീരിയയാണ്. ഈ ബാക്ടീരിയ വരുത്തുന്ന രോഗമാണ് ഷിഗല്ല. വയറിളക്കം, പനി, വയറുവേദന, അടിക്കടി മലശോധനയ്ക്ക് തോന്നുക എന്നിവയാണ് പ്രധാന ലക്ഷണങ്ങള്.
Keywords: Kozhikode, News, Kerala, Health, Medical College, Kozhikode Shigella disease; The health department has collected water from four wells in the area and sent it for testing
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
