Dry Day | ഡെങ്കിപ്പനി: കൊതുകിന്റെ ഉറവിട നശീകരണം നടത്തി ആഴ്ചയിലൊരിക്കല്‍ വീടുകളിലും കടകളിലും സ്ഥാപനങ്ങളിലും ഡ്രൈ ഡേ ആചരിക്കണമെന്ന് ഡിഎംഒ

നിര്‍ദേശങ്ങള്‍:

>ഉപയോഗശൂന്യമായ ചിരട്ട, വലിച്ചെറിഞ്ഞ പ്ലാസ്റ്റിക് പാത്രങ്ങള്‍, ദ്രവിക്കാത്ത മാലിന്യങ്ങള്‍, ഉപയോഗമില്ലാത്ത ടയറുകള്‍, ബകറ്റുകള്‍ മുതലായ അലക്ഷ്യമായിക്കിടക്കുന്ന വസ്തുക്കള്‍ ആഴ്ചയിലൊരിക്കല്‍ നീക്കം ചെയ്ത് വെള്ളം വീഴാത്ത തരത്തില്‍ സൂക്ഷിക്കുക.

>ഫ്രിഡ്ജിന് പുറകിലെ ട്രേ, ചെടിച്ചട്ടികള്‍ക്കടിയിലെ പാത്രം, വാടര്‍ കൂളറുകള്‍, ഫ്‌ളവര്‍ വേസുകള്‍, വളര്‍ത്തുമൃഗങ്ങള്‍ക്ക് തീറ്റ കൊടുക്കുന്ന പാത്രം മുതലായവയിലെ വെള്ളം ആഴ്ചയില്‍ ഒരിക്കലെങ്കിലും മാറ്റണം.

>വെള്ളം അടച്ച് സൂക്ഷിക്കുക. ജലസംഭരണികള്‍ കൊതുക് കടക്കാത്ത രീതിയില്‍ വലയോ, തുണിയോ ഉപയോഗിച്ച് പൂര്‍ണമായി മൂടി വയ്ക്കുക.

>ടെറസ്, സണ്‍ഷേഡ്, റൂഫിന്റെ പാത്തി എന്നിവയില്‍ വെള്ളം കെട്ടി നില്‍ക്കുന്നില്ല എന്ന് സ്ഥാപന മേധാവികളും വീട്ടുടമസ്ഥരും ഉറപ്പുവരുത്തുക. റബര്‍ വെട്ടാത്ത സമയങ്ങളില്‍ ചിരട്ട കമഴ്ത്തി വയ്ക്കുന്നുണ്ട് എന്ന് തോട്ടമുടമകള്‍ ഉറപ്പുവരുത്തുക.

>കൊതുകുകടി ഏല്‍ക്കാതിരിക്കാന്‍ കൊതുകിനെ അകറ്റുന്ന ലേപനങ്ങള്‍ ഉപയോഗിക്കാനും ശരീരം മൂടുന്ന വിധത്തിലുള്ള ഇളം നിറത്തിലുള്ള വസ്ത്രങ്ങള്‍ ധരിക്കാനും ശ്രമിക്കുക.

>ജനലുകളും വാതിലുകളും കൊതുക് കടക്കാതെ അടയ്ക്കുക. പകല്‍ ഉറങ്ങുമ്പോള്‍ പോലും കൊതുകുവല ഉപയോഗിക്കുക.

Keywords:  Thiruvananthapuram, News, Kerala, Health, Dry Day, DMO, Mosquito, Dry Day should be observed once a week: DMO.