തിരുവനന്തപുരം: (KVARTHA) സംസ്ഥാനത്ത് അമീബിക്ക് മസ്തിഷ്‌ക ജ്വരം ബാധിച്ചവരുടെ കണക്കുകളില്‍ ഒടുവില്‍ വ്യക്തത വരുത്തി ആരോഗ്യവകുപ്പ്. ഈ വർഷം ഇതുവരെ 66 പേർക്ക് രോഗബാധ ഉണ്ടായെന്നും 17 പേർ മരിച്ചെന്നും ഔദ്യോഗികമായി സ്ഥിരീകരിച്ചു. തുടര്‍ച്ചയായി മരണങ്ങൾ റിപ്പോര്‍ട്ട് ചെയ്തിട്ടും ഇതുവരെ രണ്ട് മരണം മാത്രമായിരുന്നു ആരോഗ്യവകുപ്പിന്റെ ഔദ്യോഗിക കണക്കിൽ ഉണ്ടായിരുന്നത്. കണക്കുകളിലെ ഈ അവ്യക്തത ഒരു മാധ്യമം ചൂണ്ടിക്കാട്ടിയതിനെ തുടർന്നാണ് പുതിയ കണക്കുകൾ പുറത്തുവിട്ടത്.

അതേസമയം, കഴിഞ്ഞ ദിവസം മാത്രം രണ്ട് പുതിയ കേസുകൾ റിപ്പോർട്ട് ചെയ്തിട്ടുണ്ട്. ഈ മാസം ഇതുവരെ ആകെ 19 പേർക്കാണ് രോഗം ബാധിച്ചത്. ഇതിൽ ഏഴ് പേർ മരണമടയുകയും ചെയ്തു. മസ്തിഷ്‌ക ജ്വര കേസുകളിൽ എല്ലാം അമീബിക്ക് മസ്തിഷ്‌ക ജ്വരമാണോ എന്ന് കേരളം പരിശോധിക്കുന്നുണ്ട്.

രോഗം ബാധിച്ചവരുടെ കൃത്യമായ കണക്കുകൾ മറച്ചുവെച്ചത് എന്തിനാണെന്ന ചോദ്യം വ്യാപകമായി ഉയരുന്നുണ്ട്. രോഗബാധ പ്രതിരോധിക്കുന്നതിന് കണക്കുകളിലെ വ്യക്തത അനിവാര്യമാണെന്ന് ആരോഗ്യ വിദഗ്ദ്ധർ ചൂണ്ടിക്കാട്ടുന്നു. രോഗവ്യാപനം തടയുന്നതിനുള്ള നടപടികൾ വേഗത്തിലാക്കാൻ ഇത് അത്യാവശ്യമാണ്.
 

ഈ വാർത്ത നിങ്ങളുടെ സുഹൃത്തുക്കളുമായി പങ്കുവയ്ക്കൂ! 

Article Summary: Health Department clarifies Amoebic Meningitis cases and deaths.

#AmoebicMeningitis #HealthKerala #KeralaNews #PublicHealth #DiseaseOutbreak #HealthAlert