കൊച്ചി: (KVARTHA) മക്കൾ സെൽവൻ വിജയ് സേതുപതി നായകനാകുന്ന ഏറ്റവും പുതിയ ചിത്രം 'എയ്സി'ൻ്റെ കേരളത്തിലെ വിതരണാവകാശം നേടി എസ്.എം.കെ റിലീസ്. അറുമുഗകുമാർ സംവിധാനം ചെയ്യുന്ന ചിത്രത്തിൽ ബോൾഡ് കണ്ണൻ എന്ന കഥാപാത്രമായാണ് വിജയ് സേതുപതി എത്തുന്നത്.

വിശ്വരൂപം, ആരംഭം, ഓകെ കണ്മണി, മാവീരൻ, ഉത്തമവില്ലൻ, തൂങ്കാവനം, പ്രിൻസ്, സിംഗം 2, വീരം എന്നീ ചിത്രങ്ങൾ കേരളത്തിലെത്തിച്ച എസ്.എം.കെ റിലീസ് പ്രൊഡക്ഷൻ തന്നെയാണ് വിജയ് സേതുപതി നായകനായ 'എയ്സ്' കേരളത്തിൽ പ്രദർശനത്തിനെത്തിക്കുന്നത്. 2025 മെയ് 23 ന് ആണ് ചിത്രം ആഗോള തലത്തിൽ തിയേറ്റർ റിലീസായി എത്തുന്നത്.

പൂർണ്ണമായും മലേഷ്യയിൽ ചിത്രീകരിച്ച 'എയ്സിൽ' വിജയ് സേതുപതി അവതരിപ്പിക്കുന്ന ബോൾഡ് കണ്ണൻ എന്ന കഥാപാത്രത്തിൻ്റെ ആഴത്തെക്കുറിച്ചും സാധ്യതകളെക്കുറിച്ചും ആരാധകരിൽ ആവേശം സൃഷ്ടിക്കുന്ന ഒരു ഗ്ലിംമ്സ് വീഡിയോ താരത്തിൻ്റെ ജന്മദിനത്തിൽ പുറത്ത് വന്നിരുന്നു.

വലിയ ബജറ്റിൽ ഒരുക്കിയ ചിത്രം പൂർണ്ണമായും ഒരു മാസ്സ് കൊമേഴ്സ്യൽ എൻ്റർടൈനർ ആയാണ് എത്തുന്നത്. വിജയ് സേതുപതി ആരാധകരും സിനിമാ പ്രേമികളും ഒരുപോലെ കാത്തിരിക്കുന്ന ചിത്രം വലിയ ആക്ഷനും കഥപറച്ചിലുമായി ഒരു ദൃശ്യ വിരുന്നായിരിക്കുമെന്നതിൽ സംശയമില്ല.

വിജയ് സേതുപതിയെ കൂടാതെ രുക്മിണി വസന്ത്, യോഗി ബാബു, ബി.എസ്.അവിനാശ്, ദിവ്യ പിള്ള, ബബ്ലു, രാജ്കുമാർ എന്നിവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്. 7സിഎസ് എന്റർടെയ്ൻമെൻ്റിൻ്റെ ബാനറിൽ അറുമുഗകുമാർ നിർമ്മിച്ച ഈ ചിത്രം വലിയ ബജറ്റിലാണ് ഒരുക്കിയിരിക്കുന്നത്. ചിത്രത്തിന്‍റെ ഛായാഗ്രഹണം കരൺ ഭഗത് റൗടും സംഗീതം ജസ്റ്റിൻ പ്രഭാകരനും എഡിറ്റർ ഫെന്നി ഒലിവറും കലാസംവിധാനം എ കെ മുത്തുവുമാണ്. പിആർഒ: അരുൺ പൂക്കാടൻ.

വിജയ് സേതുപതിയുടെ 'എയ്സി'നെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കൂ! ഈ വാർത്ത ഷെയർ ചെയ്ത് കൂടുതൽ പേരിലേക്ക് എത്തിക്കൂ! സിനിമയുടെ റിലീസിനായി കാത്തിരിക്കുന്ന സുഹൃത്തുക്കളെ ടാഗ് ചെയ്യൂ!

SM K Release Productions has acquired the Kerala distribution rights for Vijay Sethupathi's upcoming film 'Ace', directed by Arumugakumar. The movie, a mass commercial entertainer filmed entirely in Malaysia, is set to release worldwide on May 23, 2025. The film also stars Rukmini Vasanth and Yogi Babu.

#VijaySethupathi, #AceMovie, #KeralaRelease, #SMKRelease, #Arumugakumar, #TamilCinema