തിരുവനന്തപുരം: (KVARTHA) എത്ര ട്രോളുകളും വിമർശനങ്ങളും നേരിട്ടാലും തൻ്റെ ഇഷ്ടങ്ങളിൽ നിന്ന് മാറില്ലെന്ന് നടി സ്വാസിക വിജയ്. സിന്ദൂരം ധരിക്കാനും താലിയണിയാനും തനിക്ക് ഏറെ ഇഷ്ടമാണെന്നും സിന്ദൂരമിടാൻ വേണ്ടിയാണ് വിവാഹം കഴിച്ചതുപോലുമെന്നും താരം പറഞ്ഞു. 'വാസന്തി' എന്ന പുതിയ സിനിമയുടെ പ്രചാരണത്തിന്റെ ഭാഗമായി മാധ്യമങ്ങളോട് സംസാരിക്കുകയായിരുന്നു സ്വാസിക.

സഹനടനായിരുന്ന പ്രേം ജേക്കബിനെയാണ് സ്വാസിക വിവാഹം ചെയ്തത്. ഭർത്താവിന് ഭക്ഷണം ഉണ്ടാക്കിക്കൊടുക്കുന്നതും കാലിൽ വീണ് അനുഗ്രഹം വാങ്ങുന്നതുമൊക്കെ തനിക്കിഷ്ടമുള്ള കാര്യങ്ങളാണെന്ന് വിവാഹത്തിന് മുൻപ് തന്നെ സ്വാസിക പറഞ്ഞിരുന്നു. ഇതിൻ്റെ പേരിൽ അവർക്ക് നിരവധി വിമർശനങ്ങളും പരിഹാസങ്ങളും നേരിടേണ്ടി വന്നിരുന്നു.

'നമുക്ക് ചെറുപ്പത്തിലേ ചില ഇഷ്ടങ്ങൾ മനസ്സിൽ കയറിക്കൂടില്ലേ? അത് എങ്ങനെയാണ് നമ്മളുടെ ഉള്ളിൽ കയറിക്കൂടുന്നത് എന്ന് നമുക്ക് പോലും അറിയില്ല. അത്തരത്തിൽ ഒന്നാണ് ഇതും. ടീനേജ് പ്രായം മുതലേ ഇതൊക്കെ ഞാൻ ആഗ്രഹിക്കുന്നതാണ്. എന്നെ ഒരു 'കുലസ്ത്രീ' എന്നാണല്ലോ കളിയാക്കുന്നത്. പക്ഷേ എനിക്ക് ആ വാക്ക് ഇഷ്ടമാണ്. കുലസ്ത്രീയാകാൻ ഞാൻ ആഗ്രഹിക്കുന്നു', സ്വാസിക പറഞ്ഞു.

ഇപ്പോൾ കുറച്ചേ സിന്ദൂരം ഇട്ടിട്ടുള്ളൂവെന്നും കുറച്ചുകൂടി നീളത്തിൽ ധരിക്കാനാണ് ഇഷ്ടമെന്നും താരം കൂട്ടിച്ചേർത്തു. ഇതൊന്നും ട്രോളുകളുടെ പേരിൽ മാറ്റിവെക്കില്ലെന്നും സ്വാസിക വ്യക്തമാക്കി.
 

സ്വാസികയുടെ ഈ നിലപാടിനെക്കുറിച്ച് നിങ്ങൾക്ക് എന്താണ് പറയാനുള്ളത്? അഭിപ്രായങ്ങൾ പങ്കുവെക്കുക.

Article Summary: Swasika Vijay stands firm on her personal choices and beliefs.

#SwasikaVijay #Actress #PersonalChoice #Troll #MalayalamCinema #PremJacob