കൊച്ചി: (KVARTHA) നടൻ ശ്രീനാഥ് ഭാസി നായകനാവുന്ന 'പൊങ്കാല' എന്ന ചിത്രം ഒക്ടോബര്‍ 31ന് തിയറ്ററുകളില്‍ എത്തും. ചിത്രത്തിൻ്റെ ടീസർ  സമൂഹമാധ്യമങ്ങളിൽ തരംഗമായതിന് പിന്നാലെയാണ് അണിയറപ്രവർത്തകർ റിലീസ് തീയതിയും പ്രഖ്യാപിച്ചത്. ഒരു ആക്ഷൻ ഹീറോ ആയി ശ്രീനാഥ് ഭാസി എത്തുന്ന ചിത്രം കൂടിയാണിത്.

ആക്ഷൻ കോമഡി ത്രില്ലർ ശ്രേണിയിൽപ്പെടുന്ന ഈ സിനിമ, 'മഞ്ഞുമ്മൽ ബോയ്‌സിന്' ശേഷം ഒരു യഥാർഥ സംഭവത്തെ ആസ്പദമാക്കി ഒരുങ്ങുന്ന ചിത്രം കൂടിയാണ്. 2000 കാലഘട്ടത്തില്‍ ഹാര്‍ബര്‍ പശ്ചാത്തലമാക്കി വൈപ്പിൻ, മുനമ്പം തീരദേശത്ത് നടന്ന ഒരു സംഭവകഥയെ അടിസ്ഥാനമാക്കിയാണ് സിനിമ നിർമ്മിച്ചിരിക്കുന്നത്. ചിത്രത്തിൻ്റെ ഷൂട്ടിംഗ് വൈപ്പിൻ ചെറായി ഭാഗങ്ങളിലായിരുന്നു.

അണിയറപ്രവർത്തകർ

എ.ബി. ബിനിൽ കഥയും തിരക്കഥയും രചിച്ച് സംവിധാനം ചെയ്യുന്ന ചിത്രമാണ് 'പൊങ്കാല'. ഗ്ലോബല്‍ പിക്‌ചേഴ്‌സ് എന്റര്‍ടെയ്ന്‍മെന്റ്, ദിയ ക്രിയേഷന്‍ എന്നീ ബാനറുകളിൽ ദീപു ബോസും അനില്‍ പിള്ളയും ചേർന്നാണ് ചിത്രം നിർമ്മിക്കുന്നത്. ഡോണ തോമസാണ് കോ പ്രൊഡ്യൂസർ. 

യാമി സോന, ബാബുരാജ്, സുധീര്‍ കരമന, സമ്പത്ത്, രേണു സുന്ദർ എന്നിവരും ചിത്രത്തിൽ പ്രധാന കഥാപാത്രങ്ങളായെത്തുന്നു. ചിത്രത്തിൻ്റെ ഛായാഗ്രഹണം ജാക്‌സണ്‍, എഡിറ്റർ അജാസ് പൂക്കാടൻ, സംഗീതം രഞ്ജിൻ രാജ്, കലാസംവിധാനം കമര്‍ ഇടക്കര, മേക്കപ്പ് അഖിൽ ടി. രാജ്, കോസ്റ്റ്യൂം ഡിസൈൻ സൂര്യ ശേഖർ, ആർട്ട് നിധീഷ് ആചാര്യ, പ്രൊഡക്ഷന്‍ കണ്‍ട്രോളർ സെവന്‍ ആർട്‌സ് മോഹന്‍, ഫൈറ്റ് മാഫിയ ശശി, രാജാ ശേഖർ, പ്രഭു ജാക്കി, കൊറിയോഗ്രാഫി വിജയ റാണി എന്നിവരാണ് മറ്റ് അണിയറ പ്രവർത്തകർ.
 

'പൊങ്കാല'യുടെ ടീസർ നിങ്ങൾ കണ്ടിരുന്നോ? അഭിപ്രായം കമന്റ് ചെയ്യുക.

Article Summary: Sreenath Bhasi's 'Pongala' to be released on Oct 31.

#Pongala #SreenathBhasi #MalayalamMovie #ReleaseDate #ActionFilm #KeralaCinema