കൊച്ചി: (KVARTHA) ടെലിവിഷൻ പ്രേക്ഷകർ നെഞ്ചേറ്റിയ പരമ്പരകളിലൊന്നാണ് 'ഉപ്പും മുളകും'. ഈ പരമ്പരയിലെ പ്രധാന കഥാപാത്രത്തെ അവതരിപ്പിച്ചിരുന്ന നടി നിഷാ സാരംഗ്, ചില വിവാദങ്ങളെത്തുടർന്ന് സീരിയലിൽ നിന്നും വിട്ടുനിൽക്കുകയാണ്. ഈ വിഷയങ്ങളെക്കുറിച്ചെല്ലാമാണ് നിഷാ സാരംഗ് അടുത്തിടെ 'വൺ ടു ടോക്സിനു' നൽകിയ അഭിമുഖത്തിൽ മനസു തുറന്നത്.

വിവാദങ്ങളോട് പ്രതികരണം ഇങ്ങനെ

വിവാദങ്ങളോടുള്ള തൻ്റെ നിലപാട് നടി അഭിമുഖത്തിൽ വ്യക്തമാക്കി. 'നമ്മൾ ഉത്തരം പറയുമ്പോൾ പല കഥകൾ എഴുതി വരും. തലക്കെട്ട് കൊടുത്തിരിക്കുന്നത് വേറെയായിരിക്കും. അതിലും നല്ലത് അത്തരം ചോദ്യങ്ങൾക്ക് ഉത്തരം പറയാതിരിക്കുക എന്നതാണ്. അനാവശ്യ വിവാദങ്ങൾ എന്നെ ബാധിക്കുന്ന കാര്യമല്ല. ആരെങ്കിലും അവർക്ക് ജീവിക്കാൻ വേണ്ടി എഴുതിയും പറഞ്ഞും വിടുമ്പോൾ ഞാൻ അതിനൊക്കെ ഉത്തരം കൊടുത്താൽ എനിക്ക് ജീവിക്കാൻ പറ്റുമോ', നിഷാ സാരംഗ് ചോദിച്ചു. 'എൻ്റെ ജീവിതം എൻ്റെ മാത്രം കൈകളിലാണ്' എന്നും താരം കൂട്ടിച്ചേർത്തു.

അഭിനയ ജീവിതം

'ഉപ്പും മുളകി'ന് മുൻപേ ഒരു ജീവിതം ഉണ്ടായിരുന്നു. അതുപോലെ ഇപ്പോഴും പോകുന്നു. അതിന് മുൻപേ ഞാൻ സിനിമകളും സീരിയലുകളുമായി തിരക്കായിരുന്നു. 26 വർഷമായി ഞാൻ ഇൻഡസ്ട്രിയിൽ വന്നിട്ട്. എല്ലാ മനുഷ്യർക്കും എപ്പോഴും എവിടെയെങ്കിലും വെച്ച് നല്ലൊരു ബ്രേക്ക് കിട്ടും. അത് പോലെ എനിക്ക് കിട്ടിയതാണ് 'ഉപ്പും മുളകും'. 'ഉപ്പും മുളകി'ൽ ഒൻപത് വർഷം നിന്നു. ഏറ്റവും കൂടുതൽ കാലം അവിടെയായിരുന്നു', നിഷാ സാരംഗ് പറഞ്ഞു.

'ഉപ്പും മുളകി'ൽ നാച്വറലായി അഭിനയിക്കാനുള്ള പ്ലാറ്റ്ഫോമാണ് അവിടെ കിട്ടിയത്. അത് എൻ്റെ ആക്ടിംഗിന് ഒരുപാട് ഗുണം ചെയ്തിട്ടുണ്ട്. തൻ്റെ അഭിനയ ജീവിതത്തിൽ നൂറോളം സിനിമകളും അമ്പതോളം സീരിയലുകളും ചെയ്തിട്ടുണ്ടെന്നും താരം വെളിപ്പെടുത്തി. ഇപ്പോഴും ഞാൻ ടെലിവിഷനിലുണ്ട്. സിനിമയും ടെലിവിഷനും ഒരുപോലെ കൊണ്ട് പോകുന്നു. പുതിയ സീരിയൽ ഉടൻ ടെലികാസ്റ്റിംഗ് ആരംഭിക്കുകയാണ്. സിനിമയും ചെയ്യുന്നുണ്ട്. പഴയത് പോലെ തന്നെ ഇപ്പോഴും പോകുന്നു', നിഷാ സാരംഗ് വ്യക്തമാക്കി.

'ഉപ്പും മുളകി'ലെ തൻ്റെ കഥാപാത്രത്തെക്കുറിച്ച് നിഷാ സാരംഗ് പറഞ്ഞതിൽ നിങ്ങളുടെ അഭിപ്രായം എന്താണ്?

Article Summary: Nisha Sarang talks about life after Uppum Mulakum and her 26-year career.

#NishaSarang #UppumMulakum #MalayalamSerial #ActressLife #ControversyFree #NewSerial