ഗൃഹാതുര ഓര്മകള്ക്ക് നിറം പകരുന്ന പുതിയ പദ്ധതി ആരംഭിക്കാന് ഒരുങ്ങുന്നു; സിനിമാ താരങ്ങളെ കൂടി ഉള്പെടുത്തി സിനിമാടൂറിസം പദ്ധതി മികവുറ്റതാക്കാമെന്ന് മന്ത്രി മുഹമ്മദ് റിയാസ്
Nov 10, 2021, 17:10 IST
ADVERTISEMENT
തിരുവനന്തപുരം: (www.kvartha.com 10.11.2021) കാലം എത്ര കഴിഞ്ഞാലും മനസില് നിന്നും മാഞ്ഞ് പോവാത്ത ചില സിനിമാ ഫ്രെയിമുകളുണ്ട്. നമ്മളെ ഏറെ സ്വാധീനിച്ച ചില സിനിമാ രംഗങ്ങള്. നമ്മുടെ ഇത്തരം സിനിമാ ഗൃഹാതുര ഓര്മകള്ക്ക് നിറം പകരുന്ന പുതിയ പദ്ധതി ആരംഭിക്കാന് ഒരുങ്ങുകയാണ് ടൂറിസം വകുപ്പ്. ടൂറിസം വകുപ്പ് മന്ത്രി പി എ മുഹമ്മദ് റിയാസ് ആണ് ഇക്കാര്യം ഫെയ്സ്ബുകിലൂടെ വ്യക്തമാക്കിയത്.
കിരീടം സിനിമയില് മോഹന്ലാലിന്റെ വികാര നിര്ഭലമായ രംഗങ്ങള് ചിത്രീകരിച്ച പാലം, ബോംബെ സിനിമയില് ഉയിരെ എന്ന ഗാനം ചിത്രീകരിച്ച ബേക്കല് തുടങ്ങി ഒട്ടേറെ സ്ഥലങ്ങളില് ഒരുവട്ടമെങ്കിലും എത്താന് സഞ്ചാരികളെ ആകര്ഷിക്കുന്നതാണ് പദ്ധതി. സാംസ്കാരിക വകുപ്പും ടൂറിസം വകുപ്പും സംയുക്തമായാണ് പദ്ധതി ഒരുക്കുന്നതെന്നും മന്ത്രി പറഞ്ഞു.
സിനിമാ താരങ്ങളെ കൂടി ഉള്പ്പെടുത്തി സിനിമാടൂറിസം പദ്ധതി മികവുറ്റതാക്കാം എന്നാണ് പ്രതീക്ഷിക്കുന്നത്. ഇതുമായി ബന്ധപ്പെട്ട് സിനിമാമേഖലയിലെ പ്രമുഖരുമായി ചര്ച നടത്തുന്നതാണ്. സാംസ്കാരിക വകുപ്പ് മന്ത്രി ശ്രീ. സജി ചെറിയാനുമായി നടത്തിയ ചര്ചയില് ഇരു വകുപ്പുകളും ചേര്ന്ന് ഉടന് തന്നെ സിനിമാടൂറിസം പദ്ധതി യാഥാര്ഥ്യമാക്കാന് തീരുമാനിച്ചു. മലയാളികള് കാണാന് ആഗ്രഹിക്കുന്ന കേരളത്തിലെ സിനിമാ ലൊകേഷനുകളെ കുറിച്ചുള്ള അഭിപ്രായങ്ങള് പൊതുജനങ്ങള്ക്ക് പങ്കുവെക്കാമെന്നും മന്ത്രി റിയാസ് ഫെയ്സ്ബുകില് കുറിച്ചു.
Keywords: Thiruvananthapuram, News, Kerala, Minister, Cinema, Facebook Post, Cinema tourism project can be improved by including film stars: Minister Mohammad Riyaz
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
