കൊച്ചി: (KVARTHA) അടുത്തിടെ വിവാഹിതയായ നടിയും അവതാരകയുമായ ആര്യ ബാബുവിൻ്റെ വാക്കുകൾ ശ്രദ്ധേയമാകുന്നു. കൊറിയോഗ്രാഫറും ഡി.ജെ.യുമായ സിബിൻ ബെഞ്ചമിനാണ് ആര്യയുടെ ഭർത്താവ്. രണ്ടാമതൊരു വിവാഹം കഴിക്കാൻ തീരുമാനിച്ചപ്പോൾ തൻ്റെ ഇഷ്ടത്തേക്കാൾ മകളുടെ ഇഷ്ടത്തിനാണ് പ്രാധാന്യം നൽകിയതെന്ന് ആര്യ പറയുന്നു.

സമൂഹമാധ്യമങ്ങളിലൂടെയാണ് ആര്യ വിവാഹചിത്രങ്ങൾ പങ്കുവെച്ചത്. മകൾ ഖുഷിയുടെ കൈപിടിച്ചാണ് ആര്യ വിവാഹവേദിയിലെത്തിയത്.

മകൾക്ക് വേണ്ടിയാണ് വിവാഹം

ഒരു സിംഗിൾ മദറായി ജീവിച്ച തനിക്ക് ലിവിങ് ടുഗെദർ പോലുള്ള ഓപ്ഷനുകൾ തിരഞ്ഞെടുക്കാമായിരുന്നു. എന്നാൽ, സ്കൂളിൽ പോകുന്ന ഒരു ടീനേജറായ മകൾ തനിക്കുണ്ട്. 'നാളെ അവളെ ആരും ചോദ്യം ചെയ്യരുത്. നമ്മുടെ സമൂഹം അങ്ങനെയാണ്. അമ്മ കല്യാണം കഴിക്കാതെ ഒരാളുടെ കൂടെ താമസിക്കുന്നു എന്ന സംസാരം വരരുത്. മകൾക്ക് വേണ്ടിയാണ് ഞങ്ങൾ അങ്ങനെയൊരു തീരുമാനമെടുത്തത്,' ആര്യ അഭിമുഖത്തിൽ പറഞ്ഞു.

ജിഞ്ചർ മീഡിയ എൻ്റർടെയ്ൻമെൻ്റ്‌സിന് നൽകിയ അഭിമുഖത്തിലാണ് ആര്യയും സിബിനും മനസ്സ് തുറന്നത്.

'ഖുശി ഓക്കെ അല്ലെങ്കിൽ വിവാഹം നടക്കില്ലായിരുന്നു'

'ഒരു പങ്കാളി വേണമെന്ന് എനിക്ക് ഭയങ്കര ആഗ്രഹമുണ്ടായിരുന്നു. മോളുള്ളതുകൊണ്ട് എന്നെപ്പോലൊരാൾക്ക് ലിവിങ് റിലേഷൻ പറ്റില്ല. എനിക്ക് കല്യാണം കഴിച്ച് ഒരു കുടുംബം വേണമായിരുന്നു. അതിന് മാനസികമായി ഞാൻ വളരെ മുൻപേ തയ്യാറെടുത്തിരുന്നു. എനിക്കത് ആഗ്രഹമാണെങ്കിൽപോലും എൻ്റെ മകൾക്ക് കംഫർട്ടബിൾ ആയ ഒരാളെ മാത്രമേ ആ സ്ഥാനത്തേക്ക് എനിക്ക് കൊണ്ടുവരാൻ പറ്റൂ. അവൾ തന്നെയാണ് എൻ്റെ പ്രയോരിറ്റി,' ആര്യ പറഞ്ഞു.

'മുമ്പ് ഇങ്ങനെയൊരു അവസ്ഥയിൽ ഞാൻ വന്നിട്ടുണ്ട്. അത് വേണ്ടെന്ന് വെക്കാനുള്ള കാരണം മകൾ കംഫർട്ടബിൾ അല്ലെന്ന് തോന്നിയതാണ്. ഖുശി ഓക്കെ അല്ലെങ്കിൽ സിബിനുമായുള്ള വിവാഹം നടക്കില്ലായിരുന്നു,' ആര്യ കൂട്ടിച്ചേർത്തു.

ആര്യയുടെ വിവാഹ തീരുമാനത്തെക്കുറിച്ച് നിങ്ങളുടെ അഭിപ്രായം എന്താണ്? കമൻ്റ് ചെയ്യുക.

Article Summary: Actress Arya Babu says her daughter's consent was her priority.

#AryaBabu #Marriage #MalayalamActress #CelebNews #Kerala #Family