തിരുവനന്തപുരം: (KVARTHA) മലയാളത്തിൽ വലിയ വിജയമായ ആവേശം സിനിമയിലെ 'ലാസ്റ്റ് ഡാൻസ്' എന്ന ട്രാക്ക് നെറ്റ്ഫ്ലിക്സ് അവരുടെ പുതിയ ആനിമേഷൻ സീരീസായ 'സ്പ്ലിന്റർ സെൽ: ഡെത്ത് വാച്ചി'ന്റെ ട്രെയിലറിൽ ഉപയോഗിച്ചെന്ന് ആരോപണം. എന്നാൽ, സംഗീത സംവിധായകൻ സുഷിൻ ശ്യാമിന് ക്രെഡിറ്റ് നൽകിയിട്ടില്ലെന്നാണ് പ്രധാന വിമർശനം.

ജിത്തു മാധവൻ സംവിധാനം ചെയ്ത ഫഹദ് ഫാസിൽ നായകനായ ആവേശം, കേരളത്തിൽ മാത്രമല്ല ഇന്ത്യ മുഴുവൻ ശ്രദ്ധ നേടിയ ചിത്രമാണ്. സിനിമയിലെ ഫഹദിന്റെ 'രംഗണ്ണൻ' എന്ന കഥാപാത്രവും, സുഷിൻ ശ്യാം ഒരുക്കിയ പശ്ചാത്തല സംഗീതവും ഏറെ പ്രശംസ നേടിയിരുന്നു. സിനിമയിൽ രംഗണ്ണന്റെ ഫ്ലാഷ്ബാക്ക് കാണിക്കുമ്പോൾ വരുന്ന 'ലാസ്റ്റ് ഡാൻസ്' എന്ന ട്രാക്കാണ് ഇപ്പോൾ വിവാദത്തിലായിരിക്കുന്നത്.

സംഭവം ശ്രദ്ധയിൽപ്പെട്ടതോടെ, 'എന്റെ ട്രാക്ക് ഇവിടെ ഉപയോഗിച്ചതിന് നന്ദിയുണ്ട്. പക്ഷെ ക്രെഡിറ്റിൽ എൻ്റെ പേര് കൂടെ ഉണ്ടായിരുന്നുവെങ്കിൽ നന്നായേനെ' എന്ന് സുഷിൻ ശ്യാം പ്രതികരിച്ചുവെന്ന് ചില റിപ്പോർട്ടുകൾ സൂചിപ്പിക്കുന്നു. എന്നാൽ ഈ കമന്റ് പിന്നീട് നെറ്റ്ഫ്ലിക്സിന്റെ കമന്റ് ബോക്സിൽ നിന്ന് അപ്രത്യക്ഷമായി. അതുകൊണ്ട് തന്നെ കമന്റ് സുഷിൻ തന്നെയാണോ പങ്കുവെച്ചതെന്ന് വ്യക്തമല്ല.
 

സുഷിൻ ശ്യാമിന്റെ പാട്ട് നെറ്റ്ഫ്ലിക്സ് ഉപയോഗിച്ചതിനെക്കുറിച്ചുള്ള നിങ്ങളുടെ അഭിപ്രായം എന്താണ്? കമന്റ് ചെയ്യുക.

Article Summary: Netflix accused of using a song from 'Aavesham' without credit.

#Aavesham #Netflix #SushinShyam #MusicPlagiarism #LastDance #FahadhFaasil