മലപ്പുറം: (KVARTHA) തിരൂർ ആലത്തിയൂർ കുഞ്ഞിമോൻ ഹാജി മെമ്മോറിയൽ ഹയർ സെക്കൻഡറി സ്കൂളിൽ സ്വാതന്ത്ര്യദിന ആഘോഷത്തിനിടെ കുട്ടികൾ ആർഎസ്എസിന്റെ ഗണഗീതം ആലപിച്ചത് വിവാദമായി. സംഭവത്തിൽ വിവിധ സംഘടനകൾ പ്രതിഷേധവുമായി രംഗത്തെത്തി. കുട്ടികൾ പാടിയതാണെന്നും അത് പരിശോധിക്കാൻ കഴിഞ്ഞില്ലെന്നും വിശദീകരണവുമായി സ്കൂൾ അധികൃതർ രംഗത്തെത്തി. അബദ്ധം പറ്റിയതാണെന്ന് സ്കൂൾ അധികൃതർ സമ്മതിച്ചു.

കുട്ടികൾ സ്കൂളിൽ ഗണഗീതം പാടുന്നതിന്റെ ദൃശ്യങ്ങൾ സാമൂഹ്യമാധ്യമങ്ങളിൽ പ്രചരിച്ചതോടെയാണ് സംഭവം പുറത്തറിയുന്നത്. തുടർന്ന് വിവിധ സംഘടനകൾ സ്കൂളിലേക്ക് പ്രതിഷേധ മാർച്ച് നടത്തി. അന്വേഷിച്ച് കുറ്റക്കാർക്കെതിരെ നടപടിയെടുക്കാമെന്ന് സ്കൂൾ പ്രിൻസിപ്പൽ ഉറപ്പ് നൽകിയതോടെയാണ് പ്രതിഷേധം അവസാനിച്ചത്.

വിദ്യാഭ്യാസ സ്ഥാപനങ്ങളിൽ ഇത്തരം ഗാനങ്ങൾ ആലപിക്കുന്നത് ശരിയാണോ? അഭിപ്രായം കമന്റ് ചെയ്യുക.

Article Summary: Controversy after students sing RSS song in school.

#Malappuram #RSS #School #Controversy #Kerala #FreedomDay