തിരുവനന്തപുരം: (KVARTHA) സംസ്ഥാനത്ത് 2025ലെ എസ്എസ്എല്‍സി പരീക്ഷാഫലം പ്രഖ്യാപിച്ചു. വെള്ളിയാഴ്ച വൈകീട്ട് മൂന്ന് മണിക്ക് വിദ്യാഭ്യാസ മന്ത്രി വി. ശിവന്‍കുട്ടി തിരുവനന്തപുരത്തെ പി.ആര്‍.ഡി. ചേംബറില്‍ വെച്ച് ഫലപ്രഖ്യാപനം നടത്തി.

ഈ വര്‍ഷം 99.5 ശതമാനം വിദ്യാർഥികൾ ഉപരിപഠനത്തിന് യോഗ്യത നേടി. മുൻ വർഷത്തെ അപേക്ഷിച്ച് വിജയശതമാനത്തിലും ഫുൾ എ പ്ലസ് നേടിയ വിദ്യാർഥികളുടെ എണ്ണത്തിലും കുറവുണ്ടായിട്ടുണ്ട്. ഇത്തവണ 61,449 വിദ്യാർഥികൾക്ക് ഫുൾ എ പ്ലസ് ലഭിച്ചു. ഏറ്റവും കൂടുതൽ ഫുൾ എ പ്ലസ് നേടിയ ജില്ല മലപ്പുറമാണ് (4). ടിഎച്ച്എൽസി പരീക്ഷയിൽ 99.48 ശതമാനം വിജയം രേഖപ്പെടുത്തി.

4,24,583 വിദ്യാർഥികൾ ഇത്തവണ ഉപരിപഠനത്തിന് യോഗ്യത നേടിയിട്ടുണ്ട്. കഴിഞ്ഞ വർഷം മെയ് എട്ടിനാണ് ഫലം പ്രഖ്യാപിച്ചത്. ഈ വർഷം മാർച്ച് മൂന്നിന് ആരംഭിച്ച എസ്എസ്എൽസി പരീക്ഷകൾ മാർച്ച് 26ന് അവസാനിച്ചു. ഇന്ത്യ-പാക് സംഘർഷത്തിനിടയിലും കൃത്യ സമയത്ത് ഫലം പ്രഖ്യാപിക്കാൻ സാധിച്ചു.

വിദ്യാഭ്യാസ മന്ത്രിയുടെ പ്രഖ്യാപനത്തിന് ശേഷം വൈകീട്ട് നാല് മണി മുതൽ ഇൻഫർമേഷൻ പബ്ലിക് റിലേഷൻസ് വകുപ്പിന്റെ മൊബൈൽ ആപ്പായ പിആർഡി ലൈവിലും താഴെ പറയുന്ന വെബ്സൈറ്റുകളിലും പരീക്ഷാഫലം ലഭ്യമാകും:

• https://pareekshabhavan(dot)kerala(dot)gov(dot)in
• https://kbpe(dot)kerala(dot)gov(dot)in
• https://results(dot)digilocker(dot)kerala(dot)gov(dot)in
• https://sslcexam(dot)kerala(dot)gov(dot)in
• https://prd(dot)kerala(dot)gov(dot)in
• https://results(dot)kerala(dot)gov(dot)in
• https://examresults(dot)kerala(dot)gov.(dot)in
• https://results(dot)kite(dot)kerala(dot)gov.(dot)in

എസ്എസ്എല്‍സി ഫലം പ്രഖ്യാപന വാർത്തയെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക.

Article Summary: Kerala SSLC results for 2025 are out, with a 99.5% pass rate. There's a decrease in full A+ grades compared to last year. 4.24 lakh students are eligible for higher studies.

#SSLCResult, #KeralaEducation, #ExamResults, #VKShivanKutty, #EducationNews, #KeralaSSLC