LPG Cylinder Price | വാണിജ്യാവശ്യങ്ങള്‍ക്കുള്ള പാചക വാതക സിലിന്‍ഡറിന്റെ വില കുറച്ചു
ന്യൂഡെല്‍ഹി: (www.kvartha.com) രാജ്യത്ത് വാണിജ്യാവശ്യങ്ങള്‍ക്കുള്ള പാചക വാതക സിലിന്‍ഡറിന്റെ വില കുറച്ചു. 19 കിലോഗ്രാം വാണിജ്യ സിലിന്‍ഡറിന് 33.50 രൂപയാണ് കുറഞ്ഞത്. ഇതോടെ വില 1,863 രൂപയായി. നേരത്തെ, വില 1,896.50 രൂപയായിരുന്നു.
വാണിജ്യ സിലിന്‍ഡറിന് ഏറ്റവും കുറഞ്ഞത് ഡെല്‍ഹിയിലാണ്. ഇവിടെ 25.5 രൂപയാണ് കുറച്ചത്. 19 കിലോ സിലിന്‍ഡറിന് ഡെല്‍ഹിയില്‍ 1,859.5 രൂപയാണ് ശനിയാഴ്ച വില. നേരത്തെ, 1,885 രൂപയായിരുന്നു.
കൊല്‍കത, മുംബൈ, ചെന്നൈ എന്നിവിടങ്ങളില്‍ യഥാക്രമം 36.5, 32.5, 35.5 രൂപയാണ് വിലക്കുറവ്. കൊല്‍കതയില്‍ 1,959 രൂപയും മുംബൈ 1,811.5 രൂപയും ചെന്നൈ 2,009.5 രൂപയുമാണ് ശനിയാഴ്ച വില. അതേസമയം, ഗാര്‍ഹിക പാചക വാതക സിലിന്‍ഡറിന്റെ വിലയില്‍ മാറ്റമില്ല.
Keywords: New Delhi, News, National, Business, LPG, Price, LPG cylinder price on October 1.
