കൊച്ചി: (KVARTHA) സംസ്ഥാനത്ത് ഉപഭോക്താക്കള്‍ക്ക് ആശ്വാസമായി ഒരാഴ്ചയിലേറെയായി ഇടിവ് തുടരുന്ന സ്വര്‍ണവിലയില്‍ വര്‍ധനവ്. ആഗസ്റ്റ് 21 ന് വ്യാഴാഴ്ച 22 കാരറ്റ് സ്വര്‍ണത്തിന് ഗ്രാമിന് 50 രൂപ കൂടി 9230 രൂപയും പവന് 400 രൂപ കൂടി 73840 രൂപയുമാണ്.

ബുധനാഴ്ച (20.08.2025) 22 കാരറ്റ് സ്വര്‍ണത്തിന് ഗ്രാമിന് 55 രൂപ കുറഞ്ഞ് 9180 രൂപയും പവന് 880 രൂപ കുറഞ്ഞ് 73440 രൂപയുമായിരുന്നു. ചൊവ്വാഴ്ച (19.08.2025) ഓള്‍ കേരള ഗോള്‍ഡ് ആന്‍ഡ് സില്‍വര്‍ മെര്‍ച്ചന്റ്‌സ് അസോസിയേഷനിലെ (AKGSMA) കെ സുരേന്ദ്രന്‍ പ്രസിഡന്റും അഡ്വ. എസ് അബ്ദുള്‍ നാസര്‍ സെക്രട്ടറിയുമായുള്ള വിഭാഗത്തിന് 22 കാരറ്റ് സ്വര്‍ണത്തിന് ഗ്രാമിന് 35 രൂപ കുറഞ്ഞ് 9235 രൂപയും പവന് 280 രൂപ കുറഞ്ഞ് 73880 രൂപയും ഡോ. ബി ഗോവിന്ദന്‍ ചെയര്‍മാനും ജസ്റ്റിന്‍ പാലത്ര പ്രസിഡന്റുമായുള്ള (AKGSMA) വിഭാഗത്തിന് 22 കാരറ്റ് സ്വര്‍ണത്തിന് ഗ്രാമിന് 40 രൂപ കുറഞ്ഞ് 9235 രൂപയും പവന് 320 രൂപ കുറഞ്ഞ് 73880 രൂപയിലുമായാണ് വ്യാപാരം നടന്നത്.

18 കാരറ്റിനും വര്‍ധിച്ചു

ആഗസ്റ്റ് 21 ന് 18 കാരറ്റിന് വിലയില്‍ വര്‍ധനവ് രേഖപ്പെടുത്തി, വ്യത്യസ്ത നിരക്കുകളാണ്. കെ സുരേന്ദ്രന്‍ വിഭാഗത്തിന് ഗ്രാമിന് 40 രൂപ കൂടി 7575 രൂപയിലും പവന് 320 രൂപ കൂടി 60600 രൂപയിലുമാണ് കച്ചവടം നടക്കുന്നത്. ബി ഗോവിന്ദന്‍ വിഭാഗത്തിന് ഗ്രാമിന് 40 രൂപ കൂടി 7630 രൂപയും പവന് 320 രൂപ കൂടി 61040 രൂപയിലുമാണ് കച്ചവടം നടക്കുന്നത്. 

14 കാരറ്റിനും 9 കാരറ്റിനും കൂടി

കെ സുരേന്ദ്രന്‍ വിഭാഗത്തിന് വ്യാഴാഴ്ച 14 കാരറ്റിന് ഗ്രാമിന് 35 രൂപ കൂടി 5900 രൂപയും പവന് 280 രൂപ കൂടി 47200 രൂപയുമാണ്. ഒന്‍പത് കാരറ്റിന് ഗ്രാമിന് 20 രൂപ കൂടി 3800 രൂപയും പവന് 160 രൂപ കൂടി 30400 രൂപയുമാണ്. 

വെള്ളിക്ക് വ്യത്യസ്ത നിരക്കുകള്‍

വ്യാഴാഴ്ച ഒരു ഗ്രാം സാധാരണ വെള്ളിക്ക് വ്യത്യസ്ത നിരക്കുകളാണ്. കെ സുരേന്ദ്രന്‍ വിഭാഗത്തിന് ഒരു ഗ്രാം സാധാരണ വെള്ളിയുടെ വില 122 രൂപയിലും മറു വിഭാഗത്തിന് 122 രൂപയില്‍നിന്ന് ഒരു രൂപ കൂടി 123 രൂപയിലാണ് കച്ചവടം നടക്കുന്നത്. 

സ്വർണവിലയിലെ ഈ മാറ്റത്തെക്കുറിച്ച് നിങ്ങളുടെ അഭിപ്രായം എന്താണ്? കമന്റ് ചെയ്യുക.

Article Summary: Gold price in Kerala rises after a week-long fall.

#GoldPrice #Kerala #GoldRate #FinancialNews #GoldPriceToday #Investment