കൊച്ചി: (KVARTHA) സംസ്ഥാനത്ത് ഒക്ടോബര്‍ 10 വെള്ളിയാഴ്ച സ്വര്‍ണത്തിന് രണ്ട് നിരക്കുകള്‍ രേഖപ്പെടുത്തി. രാവിലെ ഇടിവുമായെത്തിയ ആശ്വാസമായ സ്വര്‍ണനിരക്ക് ഉച്ചക്ക് ശേഷം വര്‍ധിച്ചിരിക്കുകയാണ്. രാവിലെ 22 കാരറ്റ് സ്വര്‍ണത്തിന് ഗ്രാമിന് 170 രൂപ കുറഞ്ഞ് 11210 രൂപയും പവന് 1360 രൂപ കുറഞ്ഞ് 89680 രൂപയുമായിരുന്നു. വൈകാതെ 22 കാരറ്റ് സ്വര്‍ണത്തിന് ഗ്രാമിന് 130 രൂപ കൂടി 11340 രൂപയും പവന് 1040 രൂപ കൂടി 90720 രൂപയിലുമാണ് വ്യാപാരം പുരോഗമിക്കുന്നത്. 

വ്യാഴാഴ്ച (09.10.2025) 22 കാരറ്റ് സ്വര്‍ണത്തിന് ഗ്രാമിന് 20 രൂപ കൂടി 11380 രൂപയും പവന് 160 രൂപ കൂടി 91040 രൂപയിലുമാണ് വ്യാപാരം പുരോഗമിച്ചത്. ബുധനാഴ്ച (08.10.2025) രാവിലെയും ഉച്ചക്ക് ശേഷവുമായി സ്വര്‍ണവിലയില്‍ ഞെട്ടിക്കുന്ന വര്‍ധനവ് രേഖപ്പെടുത്തിയിരുന്നു. ബുധനാഴ്ച ഉച്ചക്ക് ശേഷം 22 കാരറ്റ് സ്വര്‍ണത്തിന് ഗ്രാമിന് 70 രൂപ കൂടി 11360 രൂപയും പവന് 560 രൂപ കൂടി 90880 രൂപയിലും രാവിലെ 22 കാരറ്റ് സ്വര്‍ണത്തിന് ഗ്രാമിന് 105 രൂപ കൂടി 11290 രൂപയും പവന് 840 രൂപ കൂടി 90320 രൂപയിലുമാണ് വ്യാപാരം നടന്നത്. 

18 കാരറ്റിനും വില കൂടി

ഒക്ടോബര്‍ 10 ന് രാവിലെ 18 കാരറ്റിന് ബി ഗോവിന്ദന്‍ വിഭാഗത്തിന് ഗ്രാമിന് 160 രൂപ കുറഞ്ഞ് 9260 രൂപയും പവന് 1280 രൂപ കുറഞ്ഞ് 74080 രൂപയിലും കെ സുരേന്ദ്രന്‍ വിഭാഗത്തിന് ഗ്രാമിന് 140 രൂപ കുറഞ്ഞ് 9220 രൂപയും പവന് 1120 രൂപ കുറഞ്ഞ് 73760 രൂപയിലുമാണ് കച്ചവടം നടന്നത്. 

ഉച്ചക്ക് ശേഷം വില കൂടിയതോടെ, ബി ഗോവിന്ദന്‍ വിഭാഗത്തിന് ഗ്രാമിന് 120 രൂപ കൂടി 9380 രൂപയും പവന് 960 രൂപ കൂടി 75040 രൂപയിലും കെ സുരേന്ദ്രന്‍ വിഭാഗത്തിന് ഗ്രാമിന് 105 രൂപ കൂടി 9325 രൂപയും പവന് 840 രൂപ കൂടി 74600 രൂപയിലുമാണ് കച്ചവടം നടക്കുന്നത്. 

14 കാരറ്റിനും 9 കാരറ്റിനും വില ഉയര്‍ന്നു

രാവിലെ കെ സുരേന്ദ്രന്‍ വിഭാഗത്തിന് 14 കാരറ്റ് സ്വര്‍ണത്തിന് ഗ്രാമിന് 105 രൂപ കുറഞ്ഞ് 7180 രൂപയും പവന് 840 രൂപ കുറഞ്ഞ് 57440 രൂപയും ഒന്‍പത് കാരറ്റ് സ്വര്‍ണത്തിന് ഗ്രാമിന് 80 രൂപ കുറഞ്ഞ് 4635 രൂപയും പവന് 640 രൂപ കുറഞ്ഞ് 37080 രൂപയുമായിരുന്നു.

ഉച്ചക്ക് ശേഷം കെ സുരേന്ദ്രന്‍ വിഭാഗത്തിന് 14 കാരറ്റ് സ്വര്‍ണത്തിന് ഗ്രാമിന് 75 രൂപ കൂടി 7255 രൂപയും പവന് 600 രൂപ കൂടി 58040 രൂപയും ഒന്‍പത് കാരറ്റ് സ്വര്‍ണത്തിന് ഗ്രാമിന് 35 രൂപ കൂടി 4670 രൂപയും പവന് 280 രൂപ കൂടി 37360 രൂപയിലുമാണ് കച്ചവടം നടക്കുന്നത്. 

വെള്ളിക്ക് വ്യത്യസ്ത നിരക്കുകള്‍

വെള്ളിയാഴ്ച വെള്ളിക്ക് വ്യത്യസ്ത നിരക്കുകളാണ്. ബി ഗോവിന്ദന്‍ വിഭാഗത്തിന് ഒരു ഗ്രാം സാധാരണ വെള്ളിക്ക് 170 രൂപയിലും കെ സുരേന്ദ്രന്‍ വിഭാഗത്തിന് 162 രൂപയില്‍നിന്ന് അഞ്ച് രൂപ കൂടി 167 രൂപയിലുമാണ് വ്യാപാരം.

സ്വർണവിലയിലെ ഈ കുതിപ്പ് നിങ്ങൾ പ്രതീക്ഷിച്ചിരുന്നോ? അഭിപ്രായം കമൻ്റ് ചെയ്യുക.

Article Summary: Gold price rose sharply in Kerala on Oct 10, with 22-carat sovereign up by ₹1040.

#GoldPriceKerala #GoldRateToday #KeralaGoldNews #GoldPriceRise #MarketUpdate #KochiGold