സംസ്ഥാനത്ത് സ്വര്‍ണവില വീണ്ടും ഉയർന്നു; പവന് 200 രൂപ വർധിച്ചു

കൊച്ചി: (KVARTHA) സംസ്ഥാനത്ത് സ്വര്‍ണവില വീണ്ടും വര്‍ധിച്ചു. വെള്ളിയാഴ്ച (31.07.2026) 22 കാരറ്റ് സ്വര്‍ണത്തിന് ഗ്രാമിന് 25 രൂപ കൂടി 13,255 രൂപയും പവന് 200 രൂപ കൂടി 1,06,040 രൂപയുമായി.

18 കാരറ്റ് നിരക്കിലും വർധനവ്

18 കാരറ്റ് സ്വര്‍ണത്തിന് ഗ്രാമിന് 20 രൂപ കൂടി 10,890 രൂപയും പവന് 160 രൂപ കൂടി 87,120 രൂപയുമാണ്.

14, ഒൻപത് കാരറ്റുകൾക്കും വില കൂടി

14 കാരറ്റ് സ്വര്‍ണത്തിന് ഗ്രാമിന് 15 രൂപ കൂടി 8,485 രൂപയും പവന് 120 രൂപ കൂടി 67,880 രൂപയുമായി. ഒൻപത് കാരറ്റിന് ഗ്രാമിന് 15 രൂപ കൂടി 5,475 രൂപയും പവന് 120 രൂപ കൂടി 43,800 രൂപയുമാണ്.

വെള്ളി നിരക്കുകളിൽ മാറ്റമില്ല

ഒരു ഗ്രാം സാധാരണ വെള്ളിക്ക് 235 രൂപയിലും 10 ഗ്രാം വെള്ളിക്ക് 2,350 രൂപയിലുമാണ് വ്യാപാരം പുരോഗമിക്കുന്നത്.

അന്താരാഷ്ട്ര വിപണിയിലെ ട്രെൻഡും വിശകലനവും

സ്വർണവില രാജ്യാന്തര വിപണിയിലും കേരളത്തിലും നീങ്ങുന്നത് ഭിന്നദിശകളിലാണ്. അന്താരാഷ്ട്ര വിപണിയിലെ ട്രെൻഡുകളും വിലമാറ്റവും നോക്കാം: രാജ്യാന്തരവില രാവിലെ ഔൺസിന് ഒരുവേള 50 ഡോളറിലധികം ഉയർന്ന് 4100 ഡോളറിന് മുകളിൽ എത്തിയിരുന്നു. ഡോളറിനെതിരെ ജാപ്പനീസ് യെൻ നേടിയ മൂല്യക്കുതിപ്പും യുഎസിൽ ജിഡിപി വളർച്ച താഴ്ന്നതും സ്വർണത്തിന് നേട്ടമാവുകയായിരുന്നു. ക്രൂഡോയിൽ വില താഴ്ന്നതും സ്വർണത്തിന് തിരിച്ചുകയറാൻ വഴിയൊരുക്കി.

എന്നാൽ, രാജ്യാന്തര വില ഇപ്പോഴുള്ളത് ഔൺസിന് 26 ഡോളർ നഷ്ടവുമായി 4075 ഡോളറിലാണ്. യുഎസ് ഡോളർ നഷ്ടം നികത്തിത്തുടങ്ങിയതും പശ്ചിമേഷ്യ വീണ്ടും അശാന്തമാകുന്നതും സ്വർണത്തിന്റെ കുതിപ്പിന് തടയിടുന്നു. മാത്രമല്ല, പണപ്പെരുപ്പം പരിധിലംഘിച്ച് കുത്തനെ കൂടിയതിനാൽ യുഎസ് ഫെഡറൽ റിസർവ് പലിശനയം കടുപ്പിച്ചേക്കാമെന്ന വിലയിരുത്തലും സ്വർണത്തിന് പ്രതികൂലമാണ്.

രാജ്യാന്തരവില 4050 ഡോളറിനും താഴേക്കുവീണാൽ ആ തിരിച്ചിറക്കം 4000 ഡോളറിലേക്കുവരെ എത്താം. അങ്ങനെയെങ്കിൽ കേരളത്തിലും വലിയതോതിൽ വിലയിടിയും. മറിച്ച് രാജ്യാന്തരവില ഊർജം വീണ്ടെടുത്ത് 4100 ഡോളർ ഭേദിച്ചാൽ, കുതിപ്പ് 4300 ഡോളർ വരെ നീളുമെന്നാണ് നിരീക്ഷക വിലയിരുത്തലുകൾ. അതോടെ കേരളത്തിൽ പവൻവില 1.08 ലക്ഷം രൂപയും കടക്കാം.

കഴിഞ്ഞ ദിവസങ്ങളിലെ സ്വര്‍ണനിരക്കുകള്‍

വ്യാഴാഴ്ച (30.07.2026) 22 കാരറ്റ് സ്വര്‍ണത്തിന് ഗ്രാമിന് 75 രൂപ കൂടി 13,230 രൂപയും പവന് 600 രൂപ കൂടി 1,05,840 രൂപയുമായിരുന്നു. ബുധനാഴ്ച (29.07.2026) 22 കാരറ്റ് സ്വര്‍ണത്തിന് ഗ്രാമിന് 60 രൂപ കുറഞ്ഞ് 13,155 രൂപയും പവന് 480 രൂപ കുറഞ്ഞ് 1,05,240 രൂപയുമായിരുന്നു.

സ്വര്‍ണ വിപണിയിലെ ഈ മാറ്റങ്ങള്‍ സ്വര്‍ടം വാങ്ങാൻ ഉദ്ദേശിക്കുന്ന നിങ്ങളുടെ സുഹൃത്തുക്കൾക്കും കുടുംബാംഗങ്ങൾക്കും വാട്സ്ആപ്പ് ഗ്രൂപ്പുകളിൽ ഷെയർ ചെയ്യൂ. സ്വര്‍ണം, വെള്ളി നിരക്കുകളിലെ ദൈനംദിന മാറ്റങ്ങളും വാണിജ്യ വാർത്തകളും അറിയാൻ ഞങ്ങളുടെ വാട്സ്ആപ്പ് ചാനലും സാമൂഹിക മാധ്യമ പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ താഴെ കമന്റായി രേഖപ്പെടുത്തുക.

Article Summary: Gold price in Kerala rises again with a hike of Rs 200 per sovereign.

#GoldPriceKerala #GoldRateToday #KeralaNews #BusinessNews #SilverPrice #GoldMarket #SobhaNews