സ്വർണവിലയിൽ വൻ കുതിപ്പ്; പവന് 2,120 രൂപ കൂടി

കൊച്ചി: (KVARTHA) സംസ്ഥാനത്ത് സ്വർണവില വീണ്ടും കുതിക്കുന്നു. ശനിയാഴ്ച (07.02.2026) രാവിലെ സ്വർണവിലയിൽ വലിയ വർധനവ് രേഖപ്പെടുത്തി. പവന് 2,120 രൂപയാണ് ഒറ്റ ദിവസം കൊണ്ട് വർധിച്ചത്.

ശനിയാഴ്ച രാവിലെ 22 കാരറ്റ് സ്വർണത്തിന് ഗ്രാമിന് 265 രൂപ കൂടി 14,355 രൂപയും പവന് 2,120 രൂപ കൂടി 1,14,840 രൂപയുമാണ് വിപണി നിരക്ക്.

വെള്ളിയാഴ്ച (06.02.2026) രാവിലെ വിലയില്‍ കുറവ് രേഖപ്പെടുത്തിയ സ്വര്‍ണവില ഉച്ചക്ക് വര്‍ധിച്ചിരുന്നു. രാവിലെ 22 കാരറ്റ് സ്വര്‍ണത്തിന് ഗ്രാമിന് 190 രൂപ കുറഞ്ഞ് 13965 രൂപയും പവന് 1520 രൂപ കുറഞ്ഞ് 111720 രൂപയിലുമാണ് വ്യാപാരം പുരോഗമിച്ചത്.

ഉച്ചക്ക് 22 കാരറ്റ് സ്വര്‍ണത്തിന് ഗ്രാമിന് 125 രൂപ കൂടി 14090 രൂപയും പവന് 1000 രൂപ കൂടി 112720 രൂപയിലുമാണ് വ്യാപാരം നടന്നത്. 

18 കാരറ്റ് നിരക്കും ഉയർന്നു

18 കാരറ്റ് സ്വർണവിലയിലും വർധനവുണ്ടായി. ഗ്രാമിന് 215 രൂപ കൂടി 11,795 രൂപയിലാണ് ശനിയാഴ്ച വ്യാപാരം നടക്കുന്നത്. പവൻ വില 94,360 രൂപയായി ഉയർന്നു.

14, 9 കാരറ്റ് വിലയിലും വർധന

കുറഞ്ഞ കാരറ്റുകളിലും വില വർധന പ്രകടമാണ്. 14 കാരറ്റ് സ്വർണത്തിന് ഗ്രാമിന് 170 രൂപ കൂടി 9,185 രൂപയായി (പവന് 73,480 രൂപ). 9 കാരറ്റ് സ്വർണത്തിന് ഗ്രാമിന് 110 രൂപ കൂടി 5,925 രൂപയിലുമാണ് (പവന് 47,400 രൂപ) കച്ചവടം നടക്കുന്നത്.

വെള്ളി വില

സംസ്ഥാനത്ത് വെള്ളി വിലയിൽ മാറ്റമില്ലാതെ തുടരുന്നു. ഒരു ഗ്രാം സാധാരണ വെള്ളിക്ക് 285 രൂപയാണ് ശനിയാഴ്ചത്തെ നിരക്ക്. 10 ഗ്രാം വെള്ളിക്ക് 2,850 രൂപയുമാണ് വില.

ഏതാനും ദിവസങ്ങൾക്ക് മുമ്പ് സ്വർണവില സർവകാല റെക്കോർഡായ 1.31 ലക്ഷം രൂപയിലെത്തിയെങ്കിലും പിന്നീട് വിലയിൽ വലിയ ചാഞ്ചാട്ടമാണ് അനുഭവപ്പെടുന്നത്.

പുതിയ വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. ഈ വാർത്ത ഷെയർ ചെയ്യൂ. അഭിപ്രായം കമന്റായി രേഖപ്പെടുത്താനും മറക്കരുത്.

Article Summary: Gold prices in Kerala saw a massive hike of ₹2,120 per sovereign on Saturday, reaching ₹1,14,840.

#GoldPrice #KeralaGoldRate #GoldHike #Economy #Jewellery #MarketWatch #BusinessNews #KVARTHA