ചരിത്ര നിരക്കുകൾ പിന്നിട്ട് സ്വർണ്ണവില; മണിക്കൂറുകൾക്കിടെ ഇരട്ട കുതിപ്പ്; പവന് 99,800 കടന്നു

കൊച്ചി: (KVARTHA) സംസ്ഥാനത്ത് സ്വർണ്ണവിലയിൽ മണിക്കൂറുകൾക്കിടെ ഇരട്ട കുതിപ്പ് രേഖപ്പെടുത്തി ചരിത്ര നിരക്കിലെത്തി. ഒരു പവൻ സ്വർണ്ണത്തിന് ഒരു ലക്ഷം രൂപ തികയാൻ ഇനി വെറും 160 രൂപയുടെ കുറവ് മാത്രമാണുള്ളത്. തിങ്കളാഴ്ച (22.12.2025) രാവിലെയും ഉച്ചയ്ക്ക് ശേഷവുമായി ഗ്രാമിന് 180 രൂപയും പവന് 1440 രൂപയുമാണ് വർധിച്ചത്.

രാവിലെ 22 കാരറ്റ് സ്വർണ്ണത്തിന് ഗ്രാമിന് 100 രൂപ വർധിച്ച് 12,400 രൂപയായും പവന് 800 രൂപ കൂടി 99,200 രൂപയിലുമാണ് വ്യാപാരം നടന്നത്. എന്നാൽ ഉച്ചയ്ക്ക് ശേഷം വില വീണ്ടും ഉയർന്നു. 22 കാരറ്റ് സ്വർണ്ണത്തിന് ഗ്രാമിന് 80 രൂപ കൂടി 12,480 രൂപയും പവന് 640 രൂപ കൂടി 99,840 രൂപയിലുമാണ് നിലവിൽ വ്യാപാരം പുരോഗമിക്കുന്നത്.

കഴിഞ്ഞ ശനിയാഴ്ചയും (20.12.2025) ഞായറാഴ്ചയും (21.12.2025) സ്വർണ്ണവിലയിൽ മാറ്റമില്ലായിരുന്നു. ഗ്രാമിന് 12,300 രൂപയും പവന് 98,400 രൂപയിലുമാണ് ഈ ദിവസങ്ങളിൽ കച്ചവടം നടന്നത്.

18 കാരറ്റിനും വില കൂടി 

രാവിലെ ബി ഗോവിന്ദൻ വിഭാഗത്തിന് ഗ്രാമിന് 85 രൂപ കൂടി 10,260 രൂപയും പവന് 680 രൂപ കൂടി 82,080 രൂപയിലുമായിരുന്നു വില. കെ സുരേന്ദ്രൻ വിഭാഗത്തിന് ഗ്രാമിന് 80 രൂപ കൂടി 10,195 രൂപയും പവന് 640 രൂപ കൂടി 81,560 രൂപയിലുമാണ് കച്ചവടം നടന്നത്. ഉച്ചയ്ക്ക് ശേഷം ബി ഗോവിന്ദൻ വിഭാഗത്തിന് ഗ്രാമിന് 65 രൂപ കൂടി 10,325 രൂപയും (പവന് 82,600 രൂപ), കെ സുരേന്ദ്രൻ വിഭാഗത്തിന് ഗ്രാമിന് 65 രൂപ കൂടി 10,260 രൂപയും (പവന് 82,080 രൂപ) ആയി ഉയർന്നു.

14, 9 കാരറ്റുകൾക്കും വൻ കുതിപ്പ് 

രാവിലെ കെ സുരേന്ദ്രൻ വിഭാഗത്തിന് 14 കാരറ്റിന് ഗ്രാമിന് 65 രൂപ കൂടി 7,940 രൂപയും പവന് 63,520 രൂപയുമായിരുന്നു. ഒൻപത് കാരറ്റിന് ഗ്രാമിന് 45 രൂപ കൂടി 5,125 രൂപയും പവന് 41,000 രൂപയുമായിരുന്നു നിരക്ക്. 

ഉച്ചയ്ക്ക് ശേഷം 14 കാരറ്റിന് ഗ്രാമിന് 50 രൂപ കൂടി 7,980 രൂപയായും (പവൻ 63,920), ഒൻപത് കാരറ്റിന് ഗ്രാമിന് 30 രൂപ കൂടി 5,155 രൂപയായും (പവൻ 41,240) വർധിച്ചു.

വെള്ളിക്ക് വ്യത്യസ്ത നിരക്കുകൾ 

ബി ഗോവിന്ദൻ വിഭാഗത്തിന് ഒരു ഗ്രാം സാധാരണ വെള്ളിക്ക് 218 രൂപയാണ് വില. കെ സുരേന്ദ്രൻ വിഭാഗത്തിന് ഒരു ഗ്രാം സാധാരണ വെള്ളിക്ക് 216 രൂപയും 10 ഗ്രാം വെള്ളിക്ക് 2160 രൂപയുമാണ് നിരക്ക്.

സ്വർണവിലയിലെ ഈ വൻ കുതിപ്പിനെക്കുറിച്ച് നിങ്ങളുടെ അഭിപ്രായമെന്താണ്? കമന്റ് ചെയ്യുക.

Article Summary: Gold prices in Kerala reach an all-time high of ₹99,840 per sovereign after a double hike on Monday.

#GoldPriceKerala #GoldRateToday #KeralaBusiness #EconomicNews #GoldRecord #FinanceUpdates