കണ്ണൂര്‍: (KVARTHA) ആലക്കോട് നിന്നും യുവാവിനെ വിളിച്ചുവരുത്തി കുത്തിക്കൊലപ്പെടുത്തിയെന്ന കേസിലെ പ്രതി അറസ്റ്റില്‍. ജയേഷി(39)നെയാണ് ആലക്കോട് പൊലീസ് അറസ്റ്റ് ചെയ്തത്.
ആലക്കോട് അരംഗം വട്ടക്കയത്തെ വടക്കയില്‍ മാത്യുവിന്റെയും പരേതയായ വല്‍സമ്മയുടെയും മകന്‍ ജോഷി മാത്യു(35)വിനെയാണ് തിങ്കളാഴ്ച രാത്രി 11 മണിയോടെ കൊല്ലപ്പെട്ട നിലയില്‍ കണ്ടെത്തിയത്.
പൊലീസ് പറയുന്നത്: ജയേഷും ജോഷി മാത്യുവും തമ്മിലുള്ള ചില പ്രശ്‌നങ്ങള്‍ പറഞ്ഞുതീര്‍ക്കാമെന്ന് പറഞ്ഞാണ് സുഹൃത്തുക്കള്‍ ജോഷിയെ ദീപാ ഹോസ്പിറ്റലിന് സമീപമുള്ള പാര്‍കിംഗ് പ്ലാസയിലേക്ക് വിളിച്ചുവരുത്തിയത്.
സംസാരിച്ചുകൊണ്ടിരിക്കെ പ്രകോപിതനായ സുഹൃത്ത് കുത്തുകയായിരുന്നു. ഉടന്‍ പരിയാരത്തെ കണ്ണൂര്‍ ഗവ. മെഡികല്‍ കോളജില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല. പെയിന്റിംഗ് ജോലിക്കാരനായ ജോഷി അവിവാഹിതനാണ്. ജയേഷ് പൊലീസ് സ്റ്റേഷനില്‍ കീഴടങ്ങുകയായിരുന്നു.
Keywords: News, Kerala, Kerala News, Crime, Kannur, Crime, Killed, Accused, Jayesh, Murder, Case, Police, Medical College, Kannur: Man arrested in murder case.