Malayali arrested | 'തമിഴ്നാട്ടില് മദ്യക്കടയില് മോഷണം നടത്താന് ശ്രമിച്ചു'; മലയാളിയെ പൊലീസ് വെടിവച്ച് പിടികൂടി, സ്ഥലത്തുനിന്ന് രക്ഷപ്പെട്ട യുവാവിനായി തിരച്ചില് തുടരുന്നു
May 26, 2023, 16:42 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ഗൂഡല്ലൂര്: (www.kvartha.com) തമിഴ്നാട്ടില് മദ്യക്കടയില് മോഷണം നടത്താന് ശ്രമിച്ചെന്ന സംഭവത്തില് മലയാളിയെ വെടിവച്ച് പിടികൂടിയതായി പൊലീസ്. സുല്ത്താന് ബത്തേരി പൊലീസ് സ്റ്റേഷന് പരിധിയില്പെട്ട മണി എന്ന സാമ്പാര് മണി(47)യാണ് അറസ്റ്റിലായത്. മോഷണം തടയാന് ശ്രമിച്ചപ്പോള്, മണിയും സംഘവും ആക്രമിച്ചതോടെ സ്വയരക്ഷക്കായാണ് വെടിവച്ചതെന്ന് പൊലീസ് വ്യക്തമാക്കി. വെള്ളിയാഴ്ച പുലര്ചെ മൂന്നു മണിയോടെയായിരുന്നു സംഭവം.
പൊലീസ് പറയുന്നത്: മോഷണശ്രമ വിവരം അറിഞ്ഞ് പട്രോളിംഗ് സംഘം സ്ഥലത്തെത്തി. ഇതോടെ മണിയും സംഘവും കത്തിയും മറ്റ് ആയുധങ്ങളും ഉപയോഗിച്ച് ഉദ്യോഗസ്ഥരെ ആക്രമിക്കുകയായിരുന്നു. രണ്ട് ഉദ്യോഗസ്ഥര്ക്ക് വെട്ടേറ്റതോടെയാണ് പൊലീസ് വെടിയുതിര്ത്തത്. മണിയുടെ കാലിനാണ് വെടിയേറ്റത്.
ഇതോടെ സംഘത്തിലുണ്ടായിരുന്ന ജിമ്മി ഓടി രക്ഷപ്പെട്ടു. ഇയാളെ കണ്ടെത്താനുള്ള ശ്രമം തുടരുകയാണ്. മോഷണം അടക്കം നിരവധി കേസുകളില് പ്രതിയാണ് മണി. ആക്രമണത്തില് പരുക്കേറ്റ ശിഹാബുദ്ദീന് (47), അന്പഴകന് (34) എന്നീ പൊലീസുകാരെ ഗൂഡല്ലൂര് ജില്ലാ ആശുപത്രിയില് പ്രവേശിപ്പിച്ചു.
Keywords: Tamil Nadu, News, National, Arrest, Arrested, Robbery attempt, Crime, Tamil Nadu: Malayali arrested for robbery attempt.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
