കണ്ണൂര്‍: (www.kvartha.com) കൊട്ടിയൂര്‍ ബോയ്സ് ടൗണ്‍-പാല്‍ച്ചുരം റോഡിന്റെ അറ്റകുറ്റപ്പണികള്‍ തുടങ്ങി. ഗതാഗതം പൂര്‍ണമായും നിരോധിച്ചാണ് പണി നടത്തുന്നത്. ഈ മാസം 31 വരെയാണ് ഗതാഗതം നിരോധിച്ചിരിക്കുന്നത്. 85 ലക്ഷം രൂപയാണ് അറ്റകുറ്റപ്പണികള്‍ക്കായി അനുവദിച്ചിരിക്കുന്നത്.
ചുരം റോഡിന്റെ മുകളിലുള്ള ഭാഗത്ത് സ്ഥിരമായി പൊട്ടിപ്പൊളിയുന്ന ഇടങ്ങളില്‍ ഇന്റര്‍ലോക്ക് ചെയ്യും. റോഡിന്റെ മറ്റ് ഭാഗങ്ങളില്‍ ടാറിങും നടത്തും. ചുരം പാത ഏറെനാളായി തകര്‍ന്ന് കിടക്കുകയാണ്.
കണ്ണൂര്‍- വയനാട് ജില്ലകളെ ബന്ധിപ്പിക്കുന്ന ചുരം പാതയിലൂടെ ദിവസേന നൂറുകണക്കിന് വാഹനങ്ങളാണ് കടന്ന് പോകുന്നത്. റോഡിലെ കുഴികളില്‍ വീണ് വാഹനങ്ങള്‍ അപകടത്തില്‍ പെടുന്നതും ഗതാഗത കുരുക്കും നിത്യസംഭവം ആയിരുന്നു.
Keywords: Kannur, News, Kerala, Road, Road work, Repair work started on Boys Town-Palchuram road.