ജയ്പൂര്‍: (www.kvartha.com) വ്യോമസേനയുടെ യുദ്ധവിമാനം ജനവാസ മേഖലയില്‍ തകര്‍ന്നുവീണ് രണ്ട് സ്ത്രീകള്‍ മരിച്ചതായി റിപോര്‍ട്. നിരവധി പേര്‍ക്ക് പരുക്കേറ്റതായാണ് വിവരം. വ്യോമസേനയുടെ മിഗ്-21 യുദ്ധവിമാനമാണ് തകര്‍ന്നത്. തിങ്കളാഴ്ച രാവിലെയോടെയായിരുന്നു അപകടം.
സൂറത്ഗഢില്‍ നിന്നാണ് വിമാനം പുറപ്പെട്ടത്. നിസാര പരിക്കുകളോടെ പൈലറ്റ് രക്ഷപ്പെട്ടു. പാരച്യൂട് ഉപയോഗിച്ച് വിമാനത്തില്‍നിന്ന് ചാടിയാണ് പൈലറ്റ് രക്ഷപ്പെട്ടതെന്ന് അധികൃതര്‍ പറഞ്ഞു. രക്ഷാദൗത്യത്തിനായി സേനാ ഹെലികോപ്റ്റര്‍ അപകട സ്ഥലത്തെത്തി. സംഭവത്തില്‍ അന്വേഷണത്തിന് ഉത്തരവിട്ടതായി വ്യോമസേന വ്യക്തമാക്കി.
Keywords: Rajasthan, News, National, Women, Aircraft, Crash, Injured, Accident, Rajasthan: 2 women killed as MiG-21 fighter aircraft crashes.