Adalat | 'കരുതലും കൈത്താങ്ങും' അദാലത്ത് തുടരുന്നു; ഇരിട്ടി താലൂകില് മെയ് 11നും പയ്യന്നൂരില് 12നും
May 9, 2023, 17:37 IST
ADVERTISEMENT
കണ്ണൂര്: (www.kvartha.com) പിണറായി മന്ത്രിസഭയുടെ രണ്ടാം വാര്ഷികത്തോടനുബന്ധിച്ച് മന്ത്രിമാരായ കെ രാധാകൃഷ്ണന്, പി പ്രസാദ് എന്നിവരുടെ നേതൃത്വത്തില് സംഘടിപ്പിക്കുന്ന 'കരുതലും കൈത്താങ്ങും' പരാതി പരിഹാര അദാലത്ത് മെയ് 11ന് ഇരിട്ടി താലൂകിലും മെയ് 12ന് പയ്യന്നൂര് താലൂകിലും നടക്കും. മെയ് എട്ടിനും ഒമ്പതിനും നിശ്ചയിച്ച അദാലത്തുകള് മാറ്റിവച്ചതായിരുന്നു.
ഇരിട്ടി നിഖില് ആശുപത്രിയ്ക്ക് സമീപം സെന്റ് ജോസഫ് ഓഡിറ്റോറിയത്തിലും പയ്യന്നൂര് ബോയ്സ് ഹൈസ്കൂളിലുമാണ് അദാലത്ത്. രാവിലെ 10 മണിക്ക് മന്ത്രി കെ രാധാകൃഷ്ണന് ഉദ്ഘാടനം ചെയ്യും. മന്ത്രി പി പ്രസാദ് വിശിഷ്ടാതിഥിയാവും. താലൂക് തലത്തില് പൊതുജനങ്ങളുടെ പരാതികള് പരിഹരിക്കുന്നതിന് കലക്ടറേറ്റിലെയും ബന്ധപ്പെട്ട താലൂകിലെയും പരാതിയുമായി ബന്ധപ്പെട്ട വകുപ്പ് ഉദ്യോഗസ്ഥരുടെ സാന്നിധ്യത്തിലാണ് അദാലത്ത് നടത്തുക. ഇതുവരെ ഇരിട്ടി 348, പയ്യന്നൂര് 680 എന്നിങ്ങനെയാണ് താലൂക്കുകളില് ലഭിച്ച പരാതികള്.
ഭൂമി സംബന്ധമായ വിഷയങ്ങള് (പോക്കുവരവ്, അതിര്ത്തി നിര്ണയം, തരംമാറ്റം, അനധികൃത നിര്മ്മാണം, ഭൂമി കൈയേറ്റം), സര്ട്ടിഫിക്കറ്റുകള്/ലൈസന്സുകള് നല്കുന്നതിലെ കാലതാമസം/നിരസിക്കല്, റവന്യൂ റിക്കവറി-വായ്പതിരിച്ചടവിനുള്ള ഇളവുകളും സാവകാശവും, തണ്ണീര്ത്തട സംരക്ഷണം, ക്ഷേമ പദ്ധതികള് (വീട്,വസ്തു-ലൈഫ് പദ്ധതി, വിവാഹ/പഠന ധനസഹായം മുതലായവ), പ്രകൃതി ദുരന്തങ്ങള്ക്കുള്ള നഷപരിഹാരം, സാമൂഹ്യ സുരക്ഷ പെന്ഷന് (കുടിശ്ശിക ലഭിക്കുക, പെന്ഷന് അനുവദിക്കുക), പരിസ്ഥിതി മലിനീകരണം/ മാലിന്യ സംസ്കരണം, തെരുവുനായ സംരക്ഷണം/ശല്യം.
അപകടകരങ്ങളായ മരങ്ങള് മുറിച്ചുമാറ്റുന്നത്, തെരുവുവിളക്കുകള്, അതിര്ത്തി തര്ക്കങ്ങളും വഴി തടസ്സപ്പെടുത്തലും, വയോജന സംരക്ഷണം, കെട്ടിട നിര്മ്മാണ ചട്ടങ്ങളുമായി ബന്ധപ്പെട്ടവ (കെട്ടിട നമ്പര്, നികുതി), പൊതുജല സ്രോതസ്സുകളുടെ സംരക്ഷണവും, കുടിവെള്ളവും, റേഷന്കാര്ഡ് (എപിഎല്, ബിപിഎല്)-ചികിത്സാ ആവശ്യങ്ങള്ക്ക്, വന്യജീവി ആക്രമണങ്ങളില് നിന്നുള്ള സംരക്ഷണം/നഷ്ടപരിഹാരം.
വിവിധ സ്കോളര്ഷിപുകള് സംബന്ധിച്ചുള്ള പരാതികള്/അപേക്ഷകള്, വളര്ത്തുമൃഗങ്ങള്ക്കുള്ള നഷ്ടപരിഹാരം/സഹായം, കൃഷിനാശത്തിനുള്ള സഹായങ്ങള്, കാര്ഷിക വിളകളുടെ സംഭരണവും വിതരണവും, വിള ഇന്ഷുറന്സ്, ഭക്ഷ്യ സുരക്ഷയുമായി ബന്ധപ്പെട്ടവ, മത്സ്യ ബന്ധന തൊഴിലാളികളുമായി ബന്ധപ്പെട്ടവ എന്നിവയാണ് അദാലയത്തില് പരിഗണിക്കുക. ആശുപത്രികളിലെ മരുന്ന് ക്ഷാമം, ശാരീരിക/ബുദ്ധി/മാനസിക വൈകല്യമുള്ളവരുടെ പുനരധിവാസം, ധനസഹായം, പെന്ഷന്, വിവിധ ക്ഷേമനിധി ബോര്ഡുകളില് നിന്നുള്ള ആനുകൂല്യങ്ങള്, എന്ഡോസള്ഫാന് ദുരിതബാധിതരുടെ വിഷയങ്ങള്, പട്ടികജാതി/പട്ടികവര്ഗ വിഭാഗങ്ങള്ക്കുള്ള വിവിധ ആനുകൂല്യങ്ങള്, വ്യവസായ സംരംഭങ്ങള്ക്കുളള അനുമതി എന്നിവയും അദാലത്തില് പരിഗണിക്കും.
Keywords: Kannur, News, Kerala, Adalat, Kannur: Care and support Adalat continue; 11th May in Iritty taluk and 12th in Payyanur.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
