റായ്പൂര്‍: (www.kvartha.com) ഛത്തീസ്ഗഢില്‍ വാഹനാപകടത്തില്‍ 10 പേര്‍ മരിച്ചു. ദാംധാരി ജില്ലയില്‍ വ്യാഴാഴ്ച പുലര്‍ചെയാണ് അപകടം നടന്നത്. അഞ്ച് സ്ത്രീകളും രണ്ട് കുട്ടികളും മരിച്ചവരില്‍ ഉള്‍പെടും. പരുക്കേറ്റ ഒരു കുട്ടിയുടെ നില ഗുരുതരമാണെന്നാണ് വിവരം.
എസ് യു വി കാറും ട്രകും കൂട്ടിയിടിച്ചാണ് അപകടം. വിവാഹത്തില്‍ പങ്കെടുക്കാനായി പുറപ്പെട്ട സംഘം സഞ്ചരിച്ച വാഹനമാണ് അപകടത്തില്‍പെട്ടത്.
അപകടം നടന്നയുടനെ ട്രക് ഡ്രൈവര്‍ സ്ഥലത്ത് നിന്നും രക്ഷപ്പെട്ടതായാണ് വിവരം. ഇയാള്‍ക്കായി തിരച്ചില്‍ തുടരുകയാണെന്ന് ഛത്തീസ്ഗഢ് പൊലീസ് അറിയിച്ചു. ദാരുണ സംഭവത്തില്‍ മുഖ്യമന്ത്രി ഭൂപേഷ് ഭാഗല്‍ അതീവ ദുഃഖം രേഖപ്പെടുത്തി.
Keywords: Chhattisgarh, News, National, Accident, Vehicle, Injured, Police, Chief Minister, Chhattisgarh; 10 killed, 1 injured in road accident.