ബെംഗ്ളൂറു: (www.kvartha.com) മെയ് മാസത്തോടെ നടക്കാനിരിക്കുന്ന നിയമസഭാ തിരഞ്ഞെടുപ്പിന് ശേഷം വീണ്ടും അധികാരത്തില് തിരിച്ചെത്തുമെന്ന് കര്ണാടക മുഖ്യമന്ത്രി ബസവരാജ് ബൊമ്മൈ. ബഗല്കൊട്ടെയില് പൊതുസമ്മേളനത്തെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം. വീണ്ടും മുഖ്യമന്ത്രിയായി തിരിച്ചുവരും, കര്ണാടകയെ സേവിക്കാന് ദൈവം തനിക്ക് അവസരം തന്നുവെന്നും താന് ആത്മാര്ഥമായാണ് പ്രവര്ത്തിച്ചതെന്നും അദ്ദേഹം വ്യക്തമാക്കി.
ലിംഗായത്ത് സഭാസ്ഥാപകനും സാമൂഹിക പരിഷ്കര്ത്താവുമായ ബസവേശ്വരയെക്കുറിച്ച് മുഖ്യമന്ത്രി ബസവരാജ് ബൊമ്മൈ പരാമര്ശിച്ചു. ബസവേശ്വര തെളിച്ച വഴിയിലൂടെയാണ് മുന്നോട്ട് പോവുന്നതെന്നും പറഞ്ഞു. കര്ണാടകയില് ബിജെപി സര്ക്കാര് അധികാരത്തിലെത്തിയ ശേഷം സംസ്ഥാനം പുരോഗതി കൈവരിച്ചുവെന്നും നിക്ഷേപം വര്ധിച്ചെന്നും അദ്ദേഹം വ്യക്തമാക്കി.
അതേസമയം മെയിലാണ് കര്ണാടകയില് തിരഞ്ഞെടുപ്പ് നടക്കുന്നത്. 224 നിയമസഭാ സീറ്റുകളിലേക്കാണ് തിരഞ്ഞെടുപ്പ്.
Keywords: News, National, Politics, Election, Chief Minister, Will come back as Karnataka CM again, asserts Bommai.