Body Found | മെട്രോ നിര്‍മാണ പരിസരത്ത് നിന്നും യുവതിയുടെ മൃതദേഹം കണ്ടെത്തി; ശരീരാവശിഷ്ടങ്ങള്‍ ബാഗിലാക്കിയ നിലയിലാണെന്ന് പൊലീസ്
Mar 19, 2023, 16:25 IST
ADVERTISEMENT
ന്യൂഡെല്‍ഹി: (www.kvartha.com) മെട്രോ നിര്‍മാണ പരിസരത്ത് നിന്നും മൃതദേഹം കണ്ടെത്തി. ബാഗിലാക്കിയ നിലയിലായിരുന്നു യുവതിയുടെ ശരീരാവശിഷ്ടങ്ങള്‍ കണ്ടെത്തിയതെന്ന് പൊലീസ് പറഞ്ഞു. സംഭവത്തില്‍ പൊലീസ് കേസെടുത്ത് അന്വേഷണം ആരംഭിച്ചു.
പൊലീസ് പറയുന്നത്: തെക്ക് കിഴക്കന്‍ ഡെല്‍ഹിയിലെ സരായ് കാലേ ഖാനിലെ മെട്രോ നിര്‍മാണ സ്ഥലത്താണ് ബാഗില്‍ യുവതിയുടെ ശരീരാവശിഷ്ടങ്ങള്‍ കണ്ടെത്തിയതത്. ശനിയാഴ്ച ഉച്ചയോടെയാണ് പൊലീസിന് വിവരം ലഭിച്ചത്. മെട്രോ നിര്‍മാണ സ്ഥലത്തിന്റെ മേല്‍പ്പാലത്തോട് ചേര്‍ന്നുള്ള സരായ് കാലെ ഖാന്‍ സമീപമായിരുന്നു ശരീരഭാഗങ്ങള്‍ കണ്ടെത്തിയതെന്ന് ഡെപ്യൂടി പൊലീസ് കമീഷനര്‍ രാജേഷ് ദിയോ പറഞ്ഞു. സംഭവസ്ഥലത്തെത്തിയ പൊലീസ് സംഘം അന്വേഷണം ആരംഭിച്ചു.
ശരീരാവശിഷ്ടങ്ങള്‍ ആരുടേതാണെന്ന് തിരിച്ചറിയാന്‍ ശരീര ഭാഗങ്ങള്‍ പൊലീസ് എയിംസ് ട്രോമ സെന്ററിലേക്ക് അയച്ചു. നിലവില്‍ യുവതിയെ തിരിച്ചറിയാനുള്ള ശ്രമത്തിലാണെന്നും പൊലീസ് കൂട്ടിച്ചേര്‍ത്തു. ശരീര ഭാഗങ്ങള്‍ കണ്ടെത്തിയ സ്ഥലത്ത് ഫോറന്‍സിക് സംഘം പരിശോധന നടത്തി. സംഭവത്തില്‍ കേസെടുത്തിട്ടുണ്ട്. നിലവില്‍ അന്വേഷണം പുരോഗമിക്കുകയാണ്.
Keywords: New Delhi, News, National, Police, Woman, Case, New Delhi: Dead body of woman found.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
