പൊന്നാനി: (www.kvartha.com) വീട് നിര്‍മിച്ചുനല്‍കാമെന്ന് പറഞ്ഞ് ലക്ഷങ്ങള്‍ തട്ടിയെന്ന കേസില്‍ യുവാവും യുവതിയും അറസ്റ്റില്‍. സകീന (46), അബ്ദുല്‍ സലീം (46) എന്നിവരെയാണ് സിഐ വിനോദ് വലിയാറ്റൂരും സംഘവും അറസ്റ്റ് ചെയ്തത്. പൊന്നാനി തീരപ്രദേശം കേന്ദ്രീകരിച്ചായിരുന്നു തട്ടിപ്പ് നടത്തിയത്.
പൊലീസ് പറയുന്നത്: നാല് സെന്റ് ഭൂമിയും അതില്‍ വീടും നല്‍കാമെന്നായിരുന്നു യുവാവും യുവതിയും വാഗ്ദാനം നല്‍കിയത്. ഭൂമിയുടെ രജിസ്‌ട്രേഷന്‍ ഫീസ് 7,500 രൂപ മാത്രം അടച്ചാല്‍ മതിയെന്നാണ് ഇവര്‍ അവകാശപ്പെട്ടിരുന്നത്. തുടര്‍ന്ന് സാധുക്കളായ നിരവധി പേര്‍ 7,500 രൂപ നല്‍കി.
സകീനയാണ് തുക വാങ്ങിയിരുന്നത്. ഈ തുക അബ്ദുല്‍ സലീമിനെ ഏല്‍പിച്ചു. വീടും സ്ഥലവും കിട്ടാതായതോടെ നടത്തിയ അന്വേഷണത്തിലാണ് തട്ടിപ്പാണെന്ന് വ്യക്തമായത്. 20 ലക്ഷം രൂപയാണ് ഇവര്‍ പലരില്‍നിന്ന് തട്ടിയെടുത്തത്.
Keywords: News, Kerala, Case, Crime, Fraud, Police, Arrested, Man and woman arrested in fraud case.