കൊല്ലം: (www.kvartha.com) ക്ഷേത്രം കുത്തിത്തുറന്ന് വിഗ്രഹത്തില്‍ ചാര്‍ത്തിയ സ്വര്‍ണാഭരണങ്ങള്‍ മോഷ്ടിച്ചതായി പരാതി. ചൊവ്വാഴ്ച രാത്രി പുലിയില ഭഗവാന്‍ മുക്ക് തെക്കേടത്ത് അന്നപൂര്‍ണ്ണേശ്വരി ക്ഷേത്രത്തിലാണ് മോഷണം നടന്നത്.
ക്ഷേത്ര ഓഫീസും കുത്തി തുറന്ന് പണവും മോഷ്ടാവ് കവര്‍ന്നു. ശ്രീകോവിലിന്റെ കതക് തകര്‍ത്ത് അകത്ത് കടന്ന കള്ളന്‍ വിഗ്രഹത്തില്‍ ചാര്‍ത്തിയിരുന്ന സ്വര്‍ണമാലയും സ്വര്‍ണപൊട്ടുമടക്കം രണ്ട് പവന്‍ സ്വര്‍ണമാണ് മോഷ്ടിച്ചതെന്നും പൊലീസ് പറഞ്ഞു. സംഭവത്തില്‍ കണ്ണനല്ലൂര്‍ പൊലീസ് അന്വേഷണം ആരംഭിച്ചു.
Keywords: Kollam, News, Kerala, Police, Crime, Robbery, theft, Temple, Kollam: Gold jewelery stolen from temple.