ന്യൂഡെൽഹി: (www.kvartha.com) എംപ്ലോയീസ് പ്രൊവിഡന്റ് ഫണ്ട് ഓർഗനൈസേഷനിൽ (EPFO) വിവിധ ഒഴിവുകൾ. ഇൻഫർമേഷൻ ഓഫീസർ (EO), അക്കൗണ്ട്‌സ് ഓഫീസർ (AO), അസിസ്റ്റന്റ് പ്രൊവിഡന്റ് ഫണ്ട് കമ്മീഷണർ (APFC) എന്നീ 577 തസ്തികകളിലേക്കുള്ള റിക്രൂട്ട്‌മെന്റ് വിജ്ഞാപനം ഫെബ്രുവരി 25-ന് പുറത്തിറങ്ങും. ഓൺലൈൻ അപേക്ഷകൾ ക്ഷണിച്ചുകൊണ്ട് യൂണിയൻ പബ്ലിക് സർവീസ് കമ്മീഷൻ (UPSC) നിലവിൽ ഹ്രസ്വ വിജ്ഞാപനം പുറത്തിറക്കിയിട്ടുണ്ട്.
താൽപര്യവും യോഗ്യതയുമുള്ള ഉദ്യോഗാർഥികൾക്ക് മാർച്ച് 17-നകം ഔദ്യോഗിക വെബ്സൈറ്റ് upsconline(dot)nic(dot)in വഴി ഓൺലൈനായി അപേക്ഷിക്കാം. പ്രായപരിധി കുറഞ്ഞത് 18 വയസും, പരമാവധി 30 വയസുമാണ്, എന്നിരുന്നാലും, 35 വയസുള്ളവർക്ക് അസിസ്റ്റന്റ് പ്രൊവിഡന്റ് ഫണ്ട് കമ്മീഷണർ തസ്തികയിലേക്ക് അപേക്ഷിക്കാൻ കഴിയും.
അപേക്ഷിക്കാൻ ആഗ്രഹിക്കുന്ന ഉദ്യോഗാർഥികൾക്ക് യൂണിയൻ പബ്ലിക് സർവീസ് കമ്മീഷന്റെ ഔദ്യോഗിക വെബ്സൈറ്റ് സന്ദർശിച്ച് 'UPSC EPFO 2022 അറിയിപ്പ്' കാണുക. യുപിഎസ്സി പോർട്ടലിൽ രജിസ്റ്റർ ചെയ്ത് വിശദാംശങ്ങളുമായി ലോഗിൻ ചെയ്ത് അപേക്ഷ സമർപ്പിക്കാവുന്നതാണ്. അപേക്ഷിക്കുന്ന സമയത്ത് നിശ്ചിത ഫീസും അടയ്‌ക്കേണ്ടതാണ്. റിക്രൂട്ട്‌മെന്റിനുള്ള ഹ്രസ്വ വിജ്ഞാപനത്തിൽ യുപിഎസ്സി യോഗ്യതാ വിവരങ്ങൾ പ്രസിദ്ധീകരിച്ചിട്ടില്ല. ആവശ്യമായ വിദ്യാഭ്യാസ യോഗ്യതകൾ അറിയുന്നതിന് ഫെബ്രുവരി 25 വരെ കാത്തിരിക്കേണ്ടി വരും.
Keywords: News, National, Job, Application, UPSC EPFO Recruitment 2023: Apply Online for over 577 vacancies.