Jobs | ഉദ്യോഗാർഥികൾക്ക് അവസരം: ബിഎസ്എഫിൽ കോൺസ്റ്റബിൾ ആവാം; 69,100 രൂപ വരെ ശമ്പളം; അറിയാം വിശദമായി
Feb 3, 2023, 10:34 IST
ന്യൂഡെൽഹി: (www.kvartha.com) കോൺസ്റ്റബിൾ (ട്രേഡ്സ്മാൻ) തസ്തികകളിലേക്ക് റിക്രൂട്ട്മെന്റിന് ബോർഡർ സെക്യൂരിറ്റി ഫോഴ്സ് (BSF) അപേക്ഷ ക്ഷണിച്ചു. താൽപര്യമുള്ളവരും യോഗ്യതയുള്ളവരുമായ ഉദ്യോഗാർഥികൾക്ക് ബിഎസ്എഫിന്റെ ഔദ്യോഗിക വെബ്സൈറ്റ് വഴി ഓൺലൈനായി അപേക്ഷിക്കാം. തസ്തികകളിലേക്ക് അപേക്ഷിക്കാനുള്ള അവസാന തീയതി ബിഎസ്എഫ് വെബ്‌സൈറ്റിൽ നോട്ടിഫിക്കേഷൻ പ്രസിദ്ധീകരിച്ച തീയതി മുതൽ 30 ദിവസത്തിനകം ആണ്.
ഒഴിവുകളുടെ വിശദാംശങ്ങൾ
ആകെ ഒഴിവുകൾ - 1410
(പുരുഷന്മാർക്ക്: 1343 പോസ്റ്റുകൾ
സ്ത്രീകൾക്ക്: 67 പോസ്റ്റുകൾ)
യോഗ്യത
അംഗീകൃത ബോർഡിൽ നിന്ന് പത്താം ക്ലാസോ തത്തുല്യമോ പാസായിരിക്കണം. കൂടുതൽ വിശദാംശങ്ങൾക്ക് നോട്ടിഫിക്കേഷൻ പരിശോധിക്കുക. പ്രായപരിധി 18 നും 25 നും ഇടയിൽ ആയിരിക്കണം.
ശമ്പളം
21,700 - 69,100 (ലെവൽ 3)
എങ്ങനെ അപേക്ഷിക്കാം
1. ഔദ്യോഗിക സൈറ്റ് rectt(dot)bsf(dot)gov(dot)in സന്ദർശിക്കുക.
2. ഹോം പേജിലെ കോൺസ്റ്റബിൾ ട്രേഡ്സ്മാൻ പോസ്റ്റുകളുടെ ലിങ്കിൽ ക്ലിക്ക് ചെയ്യുക.
3. ആവശ്യമായ വിശദാംശങ്ങൾ നൽകി രജിസ്റ്റർ ചെയ്യുക.
4. അപേക്ഷാ ഫോം പൂരിപ്പിച്ച് അപേക്ഷാ ഫീസ് അടയ്ക്കുക.
5. submit ക്ലിക്ക് ചെയ്യുക.
6. കൂടുതൽ ആവശ്യത്തിനായി കോപ്പി സൂക്ഷിക്കുക.
Keywords: New Delhi, News, National, Job, Army, BSF Recruitment 2023 bumper vacancies: Apply for 1410 Constable (Tradesman) posts.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
