റിയാദ്: (www.kvartha.com) കാര്‍ അപകടത്തില്‍പെട്ട് പരുക്കേറ്റതിനെ തുടര്‍ന്ന് ആശുപത്രിയിലായിരുന്ന മലയാളി കുടുംബത്തിലെ ആറുമാസം പ്രായമുള്ള കുഞ്ഞിന് ദാരുണാന്ത്യം. തിരുവനന്തപുരം വര്‍ക്കല സ്വദേശി ഹസീമിന്റെ മകള്‍ അര്‍വയാണ് റിയാദില്‍ നിന്ന് 400 കിലോമീറ്ററകലെയുള്ള അല്‍ഖസറ ജെനറല്‍ ആശുപത്രിയില്‍ മരിച്ചത്. ശനിയാഴ്ച ഉച്ചയ്ക്ക് രണ്ട് മണിയോടെ അല്‍ഖോബാറില്‍ നിന്നു ഉംറ നിര്‍വഹിച്ച് മടങ്ങുന്നതിനിടെയാണ് അപകടം നടന്നത്.
ഹസീമും ഭാര്യയും മൂന്നു മക്കളും ഭാര്യാ മാതാവുമടങ്ങുന്ന കുടുംബം സഞ്ചരിച്ചിരുന്ന കാര്‍ റിയാദ്-മക്ക റോഡില്‍ അല്‍ഖസറയില്‍ വച്ച് മറിയുകയായിരുന്നുവെന്നാണ് വിവരം. അര്‍വക്കും ഹസീമിന്റെ ഭാര്യാ മാതാവ് നജ്മുനിസക്കുമായിരുന്നു സാരമായി പരുക്കേറ്റത്. ഭാര്യ ജര്‍യ, മറ്റു മക്കളായ അയാന്‍, അഫ്‌നാന്‍ എന്നിവര്‍ക്ക് നിസാര പരുക്കേറ്റു.
പൊലീസും റെഡ്ക്രസന്റ് അതോറിറ്റിയും ചേര്‍ന്ന് ഉടന്‍ ഇവരെയെല്ലാം അല്‍ഖസറ ആശുപത്രിയില്‍ എത്തിക്കുകയായിരുന്നു. തീവ്രപരിചരണ വിഭാഗത്തില്‍ ചികിത്സയില്‍ കഴിയുന്നതിനിടെയാണ് അര്‍വ മരിച്ചതെന്നാണ് വിവരം. നജ്മുന്നിസയെ അല്‍ ഖുവയ ജനറല്‍ ആശുപത്രിയിലേക്ക് മാറ്റി.
Keywords: Riyadh, News, Gulf, World, Death, Accident, Injured, Saudi Arabia: Baby died car accident.