HC Verdict | കോവിഡ് വാക്സിൻ എടുക്കാൻ ജീവനക്കാരനെ നിർബന്ധിക്കാനാവില്ലെന്ന് ഹൈകോടതി
Jan 25, 2023, 09:54 IST
ADVERTISEMENT
ന്യൂഡെൽഹി: (www.kvartha.com) കോവിഡ് വാക്സിൻ എടുക്കണമെന്ന് ജീവനക്കാരെ തൊഴിലുടമയ്ക്ക് നിർബന്ധിക്കാനാവില്ലെന്ന് ഡെൽഹി ഹൈക്കോടതി. വാക്സിൻ എടുക്കാൻ നിർബന്ധിക്കാതെ പഠിപ്പിക്കാനും മറ്റ് ചുമതലകൾ ഏറ്റെടുക്കാനും അനുവദിക്കണമെന്ന സർക്കാർ സ്കൂൾ അധ്യാപികയുടെ ഹർജി പരിഗണിച്ചാണ് ജസ്റ്റിസ് പ്രതിഭ എം സിംഗിന്റെ സിംഗിൾ ബെഞ്ച് ഈ ഉത്തരവ് പുറപ്പെടുവിച്ചത്. ബന്ധപ്പെട്ട ജീവനക്കാരുടെ തീർപ്പാക്കാത്ത എല്ലാ ഹർജികളും കോടതി തീർപ്പാക്കി.
അധ്യാപികയെ പഠിപ്പിക്കുന്നതിനും മറ്റ് ചുമതലകൾ നൽകുന്നതിനും 30 ദിവസത്തിനകം തീരുമാനമെടുക്കാൻ കോടതി അധികൃതരോട് നിർദേശിക്കുകയും ചെയ്തു. നേരത്തെ സ്വന്തം ആരോഗ്യത്തെ സംബന്ധിച്ചിടത്തോളം ഒരു ചികിത്സയും സ്വീകരിക്കാൻ വിസമ്മതിക്കുന്നത് ഒരു വ്യക്തിയുടെ അവകാശമാണെന്ന് സുപ്രീം കോടതി വിധി പുറപ്പെടുവിച്ചിരുന്നു.
ഡൽഹി സർക്കാരിന്റെ വിദ്യാഭ്യാസ ഡയറക്ടറേറ്റിനു കീഴിലുള്ള ഗൗതം പുരിയിലെ ന്യൂ ഉസ്മാൻപൂരിലെ ഗവൺമെന്റ് ഗേൾസ് സീനിയർ സെക്കൻഡറി സ്കൂളിൽ ചരിത്ര വിഷയം പഠിപ്പിക്കുന്ന അധ്യാപികയാണ് 2021-ൽ കോടതിയെ സമീപിച്ചത്. എന്നാൽ ഇപ്പോൾ അവർ വാക്സിൻ എടുത്തിട്ടുണ്ട്.
Keywords: New Delhi, News, National, High Court, COVID-19, vaccine, Health, Employee can’t be forced to take Covid-19 vaccine: Delhi High Court.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
